CHAPHÔHTUNA 2:3 - Mara Bible RV (BSI)

³ Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

CHAPHÔHTUNA 2:3 ပူးပေါင်းရင်းမြစ်များ

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

ZAWBÂ 16:15

Ei vo chô liata latho poh bieh na ta, Dohlei liata ei tha ei soh.

HLAZY 132:17

Cha liata Dâvi châta ki pathaosa aw na ta, Ei sathawthupa châta meiôh ei chhuanoh haw.

HLAZY 74:11

Khazia na ku nâ dao ha tly, Khazia na ku chachâh lâ nâ dao ha tly? Na chysia byh tawhta na ku phia la, Âmo cha pahleipadia ha mah y.

HLAZY 75:10

Moleipa ki zydua tai pachhô aw na ta, Mosiapazy ki deikua cha chaluahpa a châ aw.

HLAZY 75:5

Nama ki â sâhpa ta chaluah leipa u la, Nama rao pachhuapa ta bie reih khuh vy,” tah chi ta.

HLAZY 79:5

Hy Abeipa, khati taih ma a châ aw tly? Chhâzaw ta ma na hie a hâh thlâh ha aw? Na hiatliana cha mei hawhta ma a kâ aw?

HLAZY 89:24

Ei ngâchhihna nata ei kyhpachâna a hnohta y aw ta, Ei moh vâta a ki cheihchalopa ta a y aw.

HLAZY 89:46

Hy Abeipa, khati taih ma a châ aw? Chhâzaw ta ma nâ nyu aw? Khati taih ma na pathiiana mei hawhta a kâ aw?

ISAI 1:31

Thatlôpa cha meibu hawhta châ aw ta, A raihria meihlih hawhta a châ aw; A miano ta kâ khoh aw ta, A pachhai awpa y aw veih ei.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ZEREMIAH 21:14

“Nama hmotaopa theilâpa lymâ hawhta cha hrie aw ei na ta, A râhmâhpa liata mei patih aw na ta, A chheipâh liata a ypa zydua a kâ khai aw,” Abeipa ta a tah.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

ZEREMIAH 48:25

“Môabâ ki cha tai pathlahpa châ ta, A bâh thliepa a châ haw,” Abeipa ta a tah.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

CHAPHÔHTUNA 1:13

“Chô lâ tawhta mei za tuah ta, Ei rupa chhôh liata a pangiasa haw; Ei phei châta sao parai ta, Eina pakuasa haw; Noh y ta ziahzirohpa ta na paysa ta, Panaopa ta eina paysa haw.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

EZEKIA 7:14

“Chiahmie tô ei ta, ato a mâ chiehpa ta a y. Châhrasala ei hiehâhna cha ama zawpi zydua chô liata a ypa vâta, ahy hmahta adyuhna lâ sie veih ei.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

LUKA 1:69

A chakaotuhpa Dâvi pathla hry tawhta, Pachhana ki miah a chaluahpa haw.

LUKA 3:17

A ku liata barah y ta, a sawhri sâh zie aw ta, a sâh cha pâh liata a ryh aw. Asihpa deikua cha mei pachhai thei leipa liata a rao aw,” tah ta.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.