CHAPHÔHTUNA 2:19 - Mara Bible RV (BSI)

¹⁹ Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

CHAPHÔHTUNA 2:19 ပူးပေါင်းရင်းမြစ်များ

ZAWBÂ 3:24

Ei hrôna cha ei pati châ ta, Ei rôhna ti hawhta patlaipa a châ.

HLAZY 119:55

Hy Abeipa, zâ ta na moh a thei tyh na ta, Na pachuna bie ei zyh tyh.

HLAZY 134:2

Su pathaihpa lâ nama ku chaluah u la, Abeipa cha reithai teh u!

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

HLAZY 142:2

A hmiakô liata ei nôuna bie reih na ta, A hmiakô liata ei nôpona ei chho.

HLAZY 142:3

Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei.

HLAZY 28:2

Na baona hiapa ta cha pado na ta, Na su pathaih chaipa lâ ei kuzy ei pazawh tita, Zawngiahna ei châ hiana ao thei mah y.

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 42:8

Nohchhô ta Abeipa ta, A kyhpachâna tleih beih leipa cha biepie ta, Zâ ta a hla ta na ypâ ta, Cha cha ei hrona Khazohpa lâta ei thlahchhâna a châ.

HLAZY 62:8

Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

HLAZY 63:4

Ei hro chhôh zydua ta cha reithai aw na ta, Na moh ta ei kuzy ei chaluah aw.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 9:20

Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

EZEKIA 5:16

Chakâhna nata raona châtai chichhih ngaitapazy ta ei cha ka ti ei ta, cha pahleipadia awpa ta cha ka aw ei na ta, nama chô liata chakâhna patlôsa via rili aw na ta, nama niedo hmôna hnawh ei chhie ha aw.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

NÂHU 3:10

Chatanachôta Thebe cha papaipa châ ta, Seichâna lâ a siepa kha; Khiliah su to liata A hawsaihzy taichheihpa châ ei ta, A chyhsa zachhihpazy cha, Nuby a daopa ta amâ rai; A chyhsa rônahpazy chhao, Bâliazy ta ama chahry.

MATHAI 14:25

Zâ vaina ei palihna liata, tilaipi chô liata phei ta siepa ta a pachupazy lâ a vy ta.

MÂKA 1:35

Mydi kari khih a pavâ hlâta thyu ta, su dâhthlohpa lâ sie ta, cha liata thlahchhâ ta.

MÂKA 13:35

Chavâta a hrohrua teh u, o hneituhpa vaw tlô nawpa daihti cha, zâlâ ta ma, zâcho ta ma, awhkho ta ma, my ta ma a châ aw tahpa pahno tlôh leipa ei chi ta.

LUKA 6:12

Cha nohzy liata, Zisu cha thlahchhâ awpa ta tlâh lâ khy ta, azozâkhihdei ta Khazohpa lâ thlahchhâ ta.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

RYUREITUHPAZY 7:19

Kidia nata a hnohta a ypa chyhsa zakha cha, zâ riahvaina chhâh nona â thaona, riah ama vai pathao daihti liata riehmo tytuapa cha tlô ei ta. Chiahmie tô ei ta, râchâ ama chabapazy cha pakei ei ta.

1 SAMUELA 1:15

Hânâ ta, “Ei zibeipa y, pari va na, a thlahpa nô a popa chanô na ei châ. Kresawhti tlyma, sahma tlyma doh va na, Abeipa hmiakô liata ei hro ei palâhâhpa tlao a châ.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.