CHAPHÔHTUNA 2:15 - Mara Bible RV (BSI)

¹⁵ Lâpi liata châ chapiapa zydua ta Ama ku ama cha chabaih chie; Zerusale sawchanô cha hmaotô chiepa ta ama luh chahuah chie ei ta, “He he khihpi chhithai pakipa, Khizaw zydua a palysapa khihpi, Ama tah tyhpa kha châ vei ma?” ama tah.

CHAPHÔHTUNA 2:15 ပူးပေါင်းရင်းမြစ်များ

2 ABEIZY 19:21

He he Senâkeri kyh Abeipa ta a reipa bie a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

2 THÂTIHZYRONA 7:21

He o rônahpa he, a chapiapa maihta noâh tahpa ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

HLAZY 109:25

Nâ leihtuhpazy pahneisao awpa vaw châ ha na ta, Eina hmô nah ei ta, ama luh eina chahuah chie tyh ei.

HLAZY 22:7

Nâ hmôpa maihta na pahneisao ei ta, Ama hmao na pabyuh chiepa ta, Ama luh eina chahuah chie ei.

HLAZY 48:2

A tlâh sâhzie angiana ta, Khizaw zydua palysa ta, Maw lâta Zaio Tlâh cha, Bei rônahpa khihpi a châ.

HLAZY 48:3

Khazohpa cha thokhy ta dôhpa abei ozy liata pahrâ ta, Ano tlai cha abohna thokhy a châzie a palâsa.

HLAZY 50:2

Khazohpa cha Zaio tawhta vaw khaih ta, Khihpi ngia chaipa tawhta a vaw khaih.

HLAZY 64:8

Âmo paleihzy ta âmo cha a lie thlupa ta, Paraopa ta y aw ei ta; A hmôpa maihta ama luh ama chahuah chie aw.

ISAI 28:21

Abeipa cha a rai hria awpa ta, Rai nano kawpa hria awpa ta; A hmo tao awpa ta, Hmo a y tu leipa tao awpa ta; Perazi Tlâh liata vaw thyu aw ta, Kibiô Saikao liatapa hawhna khata â vaw hra aw.

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ISAI 64:11

Miah pathlatuhpazy ta ama cha reithai tyhna Eima o pathaihpa nata rônahpa cha mei ta kâ ha ta, Eima su a ngia ngaitapazy chhao, Su rypa ama châ khai ha hih.

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 19:8

He khihpi he roryhrapa ta paysa aw na ta, hmaotô chie awpa ta ei tao aw. A chapiapa maihta rarôh y tah aw ei ta, a hmah zydua vâta ama hmao ama tô chie aw.

ZEREMIAH 25:18

Tanoh duahmo hawhna heta, roryhrapa nata rypa ta paysapa awpa nata hmaotô chiepa nata chhiesapa ta paysa awpa ta, Zerusale nata Zudâh khihpizy nata a beizy nata beimachâzy;

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 26:6

he o he Silô hawhta tao aw na ta, he khihpi he alei chô liata phopi zydua châta chhiesana ta ei tao aw.’”

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 48:27

Izarei kha na pahneisao tyh vei ma? Ano kyh na reina maihta na luh chahuah awpa ta, Parutuhpazy hry liata hmôpa a châ beih ma?

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 1:8

Zerusale cha thata molei ta, Chavâta a pualei haw; A thluahruana ama hmô hapa vâta, A za kaw tyhpazy chhao ta ama mohnao bâ; Ano chhao ta a hrô ta, Hiakha lâ tlâ â heih bâ.

CHAPHÔHTUNA 2:16

Na chariahpa zydua ta ama pakah cha pakawh chie ei ta, Ama hmao ama cha tô chie; Ama hâh cha charieh chie ei ta, “Eima palâ haw! He noh he eima mokhâh tyhpa tlai kha châ ta, Eima hro chhôh ta eima hmô ha hih!” ama tah.

CHAPHÔHTUNA 2:6

A byureih cha sadô ruapa hawhta parua ta, A poh o a parao haw; Abeipa ta Zaio cha, Kyhchhi nata Pahânoh zy pamysa ta; A ruchhôna ru ngaitapa ta Abei nata theihthaipa zy a thy ha ei.

EZEKIA 16:13

Cha hawhna chata ngôh nata tâkâ ta tobipa châ chi ta, na chysiazy cha pala rih dipa nata pu pala zy ta sapa châ ei ta, â chapaipa ama châ. Na pati cha viahdie dipa nata kheihti nata sathaw a châ. Chhithai ngaitapa vaw châ chi ta, abeinô châ awpa taihta a tlohpa na châ.

EZEKIA 16:14

Rônahna ta cha tobi na ta, chhithai pakipa na châpa vâta, phopizy hry liata na moh thata a pathâh, Abeipa Zehôvâh ta a tah.

EZEKIA 23:32

Abeipa Zehôvâh ta hetana heta a tah: “Na narônô nyu doh aw chi ta, Nyu tôh seihpa nata nyu laipa tlai na doh aw; A hluhpi â tlôhpa nyu a châpa vâta, Pahneisaopa nata zakheipa na châ aw.

EZEKIA 25:6

Abeipa Zehôvâh ta hetana heta a tah: Izarei râh na ku chabaih chie chi ta, na phei a tlai chiepa ta, reipachhiena to ta na reipachhiena liata na palôh â ly kawpa vâta,

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

NÂHU 3:19

Na hmah ru ngaita ta, Na pasana pahua nawpa y vei; Na thâ a theipa zydua ta Ama ku ama cha chabaih chie. Chhiena na taopa chhâ beih leipa vâta, Pasa a tao leipa ahy ma a y?

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

MATHAI 27:39

Cha su a chapiapazy ta ama luh hiepa ta, pahneisao ei ta,

MÂKA 15:29

Cha su a chapiapazy ta ama luh chahuahpa ta, “Âh! Nâ, Achhyna o phie ta, noh thôh ta a sa heih awpa chi,