CHAPHÔHTUNA 2:11 - Mara Bible RV (BSI)

¹¹ Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:11 ပူးပေါင်းရင်းမြစ်များ

ZAWBÂ 16:13

A likathaipazy ta eina chadô ei. Ei lôpozy chado leipa ta patlawchheih ta, Ei hmôkhaw alei liata a leihtha.

ZAWBÂ 30:27

A chalih beih leipa ta ei chhôh a tlao ta, Pasataona nohzy ta eina vaw dy.

HLAZY 119:82

Na bietai mokhâhpa ta ei mo bâ ta, “Khati ta ma thlah eina palôh aw chi?” ei tah tyh.

HLAZY 22:14

Ti hawhta leithapa ta y na ta, Ei ruzy â suhlie khai haw; Ei palôh kheilôh hawh châ ta, Ei chachôhna liata a ti khai haw.

HLAZY 31:9

Hy Abeipa, na ngiachhie mah y, Nôpopa ta ei y hih; Pachârôhna vâta ei mo thachhâ ta, Ei thlahpa nata ei pôhpa chhao a tha a chhâ.

HLAZY 38:8

Thachhâ panaopa ta y na ta, Palôh pasapa ta thata ei hrô.

HLAZY 6:7

Ei mo he pachârôhna vâta rao khai ha ta, Nâ dyuhtuhpazy vâta a zoh via rili.

HLAZY 69:3

Ei awna ta ei thachhâ ta, Ei rao chhao hi khai ha ta, Ei Khazohpa ei hâna ta ei mo a zoh khai haw.

ISAI 22:4

Chavâta hetana heta ei tah: “Ahro lâ nâ heihsai teh u, Raithlih palopa ta thata ei cha aw; Ei phopi zuah raona kyh liata, Thlah na palôh khoh hlei khuh vy.”

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ZEREMIAH 14:17

“Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 44:7

“Chavâta tahmâ Zehôvâh Khazohpa Atotaotheipa, Izarei Khazohpa ta hetana heta a tah: Khazia cha hawhpa moleina rarôh y ngaitapa cha nâmosasyh ta namâ tao thlu? Khazia chanô nata chapaw, hawsaih nata hawti zy Zudâh tawhta chhawh pathlah khaipa ta ypa ta, laibâhpazy hnei khao leipa ta nama y aw tly?

ZEREMIAH 8:19

Râh do nata hâ liata, Ei phopi zuah chana ao he nathlie tua u: “Zaio liata Abeipa y vei ma? A chhôh liata ano Bei y vei ma?” “Khazia ama nothlahpa taopazy ta ei hie na pahâh ei ta, Chihropa khazoh nothlahpazy ta ei hie eina pahâh ei?”

CHAPHÔHTUNA 1:11

A khihsaw zydua a hrô ei ta, Viahchhâ ama tlua; Ama hro a pazao nawpa ta, Ama ryusôhpazy niedo ta ama ri. “Hy Abeipa, pachâ la, moh tua, Mohnaopa ta ei y ha hih.”

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:20

“Hy Abeipa, moh tua, nôpopa ta y na ta, Ei chhôh a zoh khai haw; Ei chhoruna vâta, Ei palôh â tymâ khai haw. Zaozi ta hawtizy khiliah liata thie ta, O chhôh liata chhao thina hawhta a châ.

CHAPHÔHTUNA 5:17

He vâna heta eima palôhzy panao ta, Hezy vâna heta eima mozy a zoh haw,

LUKA 23:29

Moh teh u, nohzy a vaw tlô hai. Cha nohzy liata, ‘Chanô chohpa nata nawh â choh beih leipa chhi nata nawh ta a pazy beih leipa sâhpi zy cha ama nohlao na!’ ama tah aw.

1 SAMUELA 30:4

Dâvi nata a hnohta a ypa chyhsazy cha ama tha chhâ khai hana taihta aoh tlili ta cha ei ta.