CHAPHÔHTUNA 2:1 - Mara Bible RV (BSI)

¹ Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:1 ပူးပေါင်းရင်းမြစ်များ

2 SAMUELA 1:19

“Hy Izarei, na rônahna cha, Na su sâhpazy liata a thi haw! Kheihtazieta ma pasaiphazy ama pao thlâh ha tly!

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

HLAZY 132:7

“A pahrâna su lâ vawh sih la, A pheitlyna thaby liata a bôh ei suh u!” eima tah.

HLAZY 89:45

A thyutliana nohzy pachhohsa chi ta, Nozana ta na khu haw. Selah

HLAZY 99:5

Abeipa eima Khazohpa cha pachônôsa u la, A phei thaby liata a bôh teh u! Abeipa cha a pathaih na!

ISAI 64:11

Miah pathlatuhpazy ta ama cha reithai tyhna Eima o pathaihpa nata rônahpa cha mei ta kâ ha ta, Eima su a ngia ngaitapazy chhao, Su rypa ama châ khai ha hih.

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

EZEKIA 19:12

Châhrasala kre zôh cha hiehâhpa ta phia ei ta, Alei liata ama thy haw; Nochhi thlih ta a thei pachawh ta, A theizy zô ta a uah haw. A chiah châpa chhao, Mei ta a kâ haw.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 30:18

Tehâphanehe liata Izi raopaky thlie aw na ta, Â palaikhei kaw tyhpa a thatlôna ei pachhâsa tita, Tehâphanehe liata noh a zoh aw; Khihpi cha meihdo ta khu aw ta, A sawchanôzy seichâna lâ ama sie aw.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

MATHAI 11:23

Nâ, Kâpynia, avâ taihta palyupalihpa ta na y aw ma? Athihkhih lâ a daophi pathlahpa na châ aw. Nâma liata hmonoâhpa taopazy kha, Sawdawmâ liata taopa châ sala, Sawdawmâ kha tanoh taihta a y thlâh ha awpa tlai.

LUKA 10:15

Hy Kâpynia, nâ chhao avâ taihta cheihchalopa ta y hra la, Athihkhih lâ chati pathlahpa na châ aw.

LUKA 10:18

Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.

1 SAMUELA 4:21

Khazohpa Byh lapa a châpa vâta nata a parâhpa nata a vahpa kyh vâta, “Rônahna ta Izarei a puasai haw” tah ta, hawti moh cha Ikhabaw bi ta.

1 SAMUELA 4:22

“Khazohpa Byh lapa châ ha ta, rônahna ta Izarei a puasai haw,” tah ta.