CHAPHÔHTUNA 1:9 - Mara Bible RV (BSI)

⁹ A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 1:9 ပူးပေါင်းရင်းမြစ်များ

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

2 ABEIZY 14:26

Abeipa ta Izarei rietheitaona pasazie hmô ta, sei chhao, khotalaipa chhao, riethei a tao leipa rai y leipa ei ta, Izarei a bao awpa ahy hmah y veih ei.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 119:153

Na ryhpa ei my beih leipa vâta, Ei pasataona he moh la na pachha mah y.

HLAZY 140:8

Hy Abeipa, hmoparaopazy khopa pie leipa la, Amâ chhuahna moleipa pi patlohsa khah y; Chataleipatala cheihchalopa ta ama y pathlei aw na. Selah

HLAZY 25:18

Ei pasataona nata nôpona he pachâ la, Ei moleina zydua nâ ngiahthai mah y.

HLAZY 69:21

Pati vyuhpa ta châmaih na pie ei ta, Ei dâhphi nota kresawhti thaopa eina padosa ei.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 37:17

Hy Abeipa y, na nah pachôh la, nathlie tua; Hy Abeipa y, na mo padeih la, moh tua. Senâkeri ta Khazohpa hrohpa pasipasawhna bie a vaw paphaopa he nathlie tua.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ISAI 51:19

He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

ISAI 54:11

“Hy nâ, pasa pataosapa ta y chi ta, Thlihpawpa ta cha pathluah ta, Thlapalôh leipa ta a ypa khihpi y, Pachâ teh, lôsôhpazy ta cha paduapathi aw na ta, Saphai lôsôhpazy hmâpa ta, Nâ bôna lôzy ei bô aw.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

ZEREMIAH 2:34

Cha hrao awpa ta amâ vaw ngiapa na hmô leipa chhao ei ta, Thaileina a hnei leipa dyhchhiepa hrona thisaih cha, Na hnorâhzy liata â bai. Cha hmo zydua a y ha tawh chhao ta,

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

CHAPHÔHTUNA 1:17

Zaio cha a ku pazawh ta, Châhrasala thlah a palôh awpa y veih ei; Abeipa ta Zakaw kyh liata biepiepa papua ta, A vaihzy cha a khakhaipazy a pachâsa ha ei; Chatanachata Zerusale cha ama hry liata, Hmo puapa a vaw châ haw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

CHAPHÔHTUNA 5:1

Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y!

HÔSIA 2:14

“Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

ZEPHANIA 2:10

Amâ palaina vâta, Cha cha ama tovyuh a châ aw; Pheisaihzy Abeipa phopi reipachhie ei ta, Amâ palai thlupa vâta.

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

RYHPACHANEINA 26:7

Abeipa miah pathlatuhpazy Khazohpa awsao pi ta, Abeipa ta eima awna ao thei ta, eima rietheizie zy, eima hriapasazie zy nata tlybaipa ta eima yzie zy miah hmô ta.

RYHPACHANEINA 32:27

Ama chariahpazy ta pahno chhei ei sala hmahta, Âmo cha pasipasawhpa ta, ‘He zydua he Abeipa taopa châ vei, Keimo ku ta eima pahniepa a châ,’ Ama tah pathlei awpa ei chipa vâta a châ.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.