CHAPHÔHTUNA 1:7 - Mara Bible RV (BSI)

⁷ Zerusale cha a viavi pasataona noh liata, Hlâno ta hmo sôhpa a hneipa zydua kha â kaw thei. A khihsawzy khakhaipa ku liata ama pao nota, A bao awpa y khao veih ei; A khakhaipazy ta moh ei ta, A paopa cha ama pahneisao.

CHAPHÔHTUNA 1:7 ပူးပေါင်းရင်းမြစ်များ

ZAWBÂ 29:2

“Aw, thla parohpazy liana kha y heih aw sah la, Khazohpa ta eina vaina nohzy hawhna khata;

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 77:3

Khazohpa ei thei châh ta, A hrô na ta; Ei pachâ châh ta, Ei thlahpa tha a chhâ tyh. Selah

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

ISAI 64:10

Na khihpi pathaihpazy cha, Râhchawhpa lâta a lie ha ei ta; Zaio chhao râhchawhpa lâta a lie ha ta, Zerusale chhao roryhrapa lâta â lie haw.

ISAI 64:11

Miah pathlatuhpazy ta ama cha reithai tyhna Eima o pathaihpa nata rônahpa cha mei ta kâ ha ta, Eima su a ngia ngaitapazy chhao, Su rypa ama châ khai ha hih.

ZEREMIAH 37:7

“Abeipa, Izarei Khazohpa ta hetana heta a tah: Keima nâ saohiah awpa ta châ vaw tuahtuhpa Zudâh bei hnohna chata hetana heta kei chho muh vy, ‘Pachâ teh, nâma cha bao awpa ta â khypa Phiraoh pheisaihzy cha, âmo râh, Izi râh lâ amâ lie aw.

ZEREMIAH 48:27

Izarei kha na pahneisao tyh vei ma? Ano kyh na reina maihta na luh chahuah awpa ta, Parutuhpazy hry liata hmôpa a châ beih ma?

CHAPHÔHTUNA 4:17

Hraoleipa ta baona eima mokhâhna liata Eima mozy a bâ khai haw; A pachha thei lei awpa phopi tlai cha, Hâ chaimâh pi ta eima mokhâh.

EZEKIA 25:3

Amawna mo hnohta, ‘Abeipa Zehôvâh bie nathlie teh u,’ tah mah y. Abeipa Zehôvâh ta hetana heta a tah: Ei supathaihpa papuapaleipa ta y ta, Izarei râh roryhrapa ta ypa ta, Zudâh pathlazy seichâna lâ ama sie nota, ‘A zi!’ na tahpa vâta,

EZEKIA 25:6

Abeipa Zehôvâh ta hetana heta a tah: Izarei râh na ku chabaih chie chi ta, na phei a tlai chiepa ta, reipachhiena to ta na reipachhiena liata na palôh â ly kawpa vâta,

HÔSIA 2:7

A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

MIKÂ 4:11

“Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.