CHAPHÔHTUNA 1:6 - Mara Bible RV (BSI)

⁶ Zaio sawchanô cha, A rônahna zydua ta a siesai khai haw. A beimachâzy chhao, Si panyuna su a hmô leipa sakhih hawhta ama châ; Âmo â chadaituhpa hmiakô liata, Thachhâpa ta amâ râ.

CHAPHÔHTUNA 1:6 ပူးပေါင်းရင်းမြစ်များ

2 ABEIZY 19:21

He he Senâkeri kyh Abeipa ta a reipa bie a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

2 ABEIZY 25:4

Chatanachata khihpi thokhy papyu ei ta, pheisaih zydua cha abei sadô kiapâh thokhy miano likawh liata a ypa chhikao lâ tawhta, a zo ta a râ ei ta. Kaldia mo ta khihpi cha dôh thlâh ha ei ta. Arabâ bypi lâpi lâta sie ei ta.

2 ABEIZY 25:5

Kaldia pheisaihzy ta abei cha a chadai ei ta, Zerikô bypi liata kei pha ei ta. Abei cha a pheisaih zydua ta a râsai khai ha ei ta.

HLAZY 50:2

Khazohpa cha Zaio tawhta vaw khaih ta, Khihpi ngia chaipa tawhta a vaw khaih.

HLAZY 96:9

Rônahna nata pathaihna ta Abeipa cha a chhy u la, Leilô zydua saih u, a hmiakô liata a chalyu teh u!

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 29:4

“Pheisaihzy Abeipa, Izarei Khazohpa ta Zerusale tawhta Babylaw lâ sei ta ei pasiesapa zydua hnohta hetana heta ei tah:

ZEREMIAH 47:3

A arâ tôhpazy chakie pyuzy vâta, A talailihzy a chathopa pyuzy vâta, Talailih tiakizy a pahiehna pyuzy vâta, Pawzy cha ama ku thazei khai ha ta, Ama sawzy lâ chhao a heih khao veih ei.

ZEREMIAH 48:41

Keriô khihpi cha pahniepa châ aw ta, A thokhyzy lapa a châ aw. Cha noh liata, Môabâ pasaiphazy palôh cha, Chanô sawzeihpa palôh hawhta a châ aw.

ZEREMIAH 52:11

Zedekia cha a mozy thaoh ta, bâliazy ta buh ta. Babylaw bei ta Zedekia cha Babylaw lâ siekhei ta, a thi noh tlôna taihta patâhna o liata khô ta.

ZEREMIAH 52:13

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 24:25

“Nâ deikua cha, chyhsa sawchapawpa y, ama thatlôna, amâ lyna nata ama rônahna, ama mo lôhrâtlôna, ama hro ta a tlaichhaipa nata ama sawchapawzy nata ama sawchanôzy âmo tawhta ei lana noh liata,

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?