CHAPHÔHTUNA 1:3 - Mara Bible RV (BSI)

³ Zudâh cha seichâna lâ siepa ta pasatao ta, Hriapasa riethei taopa ta a y; Phopizy hry liata pahrâ ta, Apahâna su rai hmô vei; A chadaituhpazy ta a chadai ei ta, A nôpo lichih ta ama kei pha haw.

CHAPHÔHTUNA 1:3 ပူးပေါင်းရင်းမြစ်များ

2 ABEIZY 25:11

Khihpi liata siesaipa chyhsazy nata Babylaw bei lâ âmo kho ta â hlâpazy nata zawpi laibâhpazy cha, abei vaituhpazy hyutuhpa Nebuzarâdâ ta sei ta â chhi khai ha ei.

2 ABEIZY 25:21

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

2 ABEIZY 25:4

Chatanachata khihpi thokhy papyu ei ta, pheisaih zydua cha abei sadô kiapâh thokhy miano likawh liata a ypa chhikao lâ tawhta, a zo ta a râ ei ta. Kaldia mo ta khihpi cha dôh thlâh ha ei ta. Arabâ bypi lâpi lâta sie ei ta.

2 ABEIZY 25:5

Kaldia pheisaihzy ta abei cha a chadai ei ta, Zerikô bypi liata kei pha ei ta. Abei cha a pheisaih zydua ta a râsai khai ha ei ta.

ZEREMIAH 13:19

Neke khihpizy khawpa châ ei ta, A pahy awpa y veih ei; Zudâh pôhpalôhpa sei ta a chhipa châ ei ta, Ama siekhei khai haw.

ZEREMIAH 16:16

“Moh teh u, nga patutuhpa hluhpi tuah aw na ta, âmo ta Izarei sawzy cha ama patu aw. Cha khai tawhta sakathaipa hluhpi tuah heih aw na ta, âmo ta tlâhpi to nata tlâhthlôh to liata Izarei sawzy cha tlua aw ei ta, lôpanô khaoh to liata ama tlua aw.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 39:9

Pheisaih hyutuhpa Nebuzarâdâ ta khihpi liata chyhsa a nguapazy, ano lâ a râpazy nata chyhsa hropa zydua cha Babylaw lâ sei ta â chhi khai ha ei.

ZEREMIAH 52:15

Abei vaituhpazy hyutuhpa Nebuzarâdâ ta dyhchhie chaipa thokhazy, khihpi liata siesaipazy, Babylaw bei lâta âmo kho ta â hlâpazy nata zôthaipa laibâhpazy cha sei ta â chhi ha ei.

ZEREMIAH 52:8

Kaldia pheisaihzy ta abei cha a chadai ei ta, Zerikô bypi liata kei pha ha ei ta. Abei cha a pheisaih zydua ta a râsai khai ha ei ta.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

CHAPHÔHTUNA 4:15

Chyhsazy ta, “Sie syulyu ha teh u! Pathaih leipa nama châ! Sie syulyu ha teh u! Sie syulyu ha teh u! Miah hria khah u!” tah ei ta; Phopizy ta, “Eima hry liata pahrâ khao aw veih ei” Ama tah hapa vâta, Arâpaipa nata viavipazy lâta amâ lie haw.

CHAPHÔHTUNA 5:5

Miah chadaituhpazy ta raopaky miah paky ei ta, Eima thachhâ ta, apahâna rai miah pie veih ei.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

RYHPACHANEINA 28:48

nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.