CHAPHÔHTUNA 1:2 - Mara Bible RV (BSI)

² Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 1:2 ပူးပေါင်းရင်းမြစ်များ

ZAWBÂ 6:15

Ei unawhzy cha vahtie hawhta a pahnieh tlâh leipa châ ei ta, Vâsua tihry hawhta a kuapa ama châ.

ZAWBÂ 7:3

Hraoleipa ta thla hluhpi hmâh na ta, Zâ pachârôhnazy cha ei tovyuh a châ.

HLAZY 126:5

Mothlih chhaota chi a tupazy cha, Thaphapa ta ama hria aw!

HLAZY 31:11

Ei khakhaipazy vâta mohnaopa vaw châ ha na ta, Ei vaihzy liata mohnaopa ta y pachaipa ta, Ei hmia pahnopazy châta chhao chichhihpa châ bâ na ta, Khiliah liata nâ hmôpazy ta einâ râsai ei.

HLAZY 6:6

Ei hrôna ta ei thachhâ ta, Zâ chareih ei rakhô liata mothlih tipaua tlô ta, Ei khôpheih chana mothlih ta ei padâ khai ha tyh.

HLAZY 69:21

Pati vyuhpa ta châmaih na pie ei ta, Ei dâhphi nota kresawhti thaopa eina padosa ei.

BIESOZY 19:7

A unawhzy hmahta sipasapa cha amâ hao khiahta cha, A viasazy chhochhi ta cha khatlu ta ma amâ hla aw tly! Bie ta âmo cha a chadai ta, Châhrasala ama siesai syulyu haw.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 2:25

Phei ruapa ta na y awpa pasaih leipa la, Na rao a hi awpa pasaih khah y. Châhrasala, “Hnabeiseihna y khao vei, Chihropazy vâia ha ei na ta, Âmo tlao ei pazi lâlao aw ei,” tah chi ta.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

ZEREMIAH 4:30

Hy nâ, roryhrapa khihpi, Khâpa hmo ma tao nâ chhuah? Poh saihlawpa a bupa ta, Ngôh atobinazy ta a tobi chi ta, Na mozy hlyu na hniapa kha, Khâpa hmo ma tao nâ chhuah? Hraoleipa ta nâ tobipa a châ. Na khopawzy ta cha mohnao pyly ei ta, Na hrona la amâ chhuah pyly.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

CHAPHÔHTUNA 1:19

“Ei khopawzy aw ei na ta, Châhrasala einâ paphasai khai ha ei; Ei theihthaipazy nata ei machâzy chhao, Khihpi liata ama thi khai haw; Ama hro a pazao nawpa ta niedo tlua ei ta, Ama hmô leipa vâta ama thi khai haw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

EZEKIA 16:37

moh teh, nâ lyna na khopaw zydua pakhy aw ei na ta, na khopa zydua nata nâ haopa zydua ei pahmaoh aw ei. Âmo cha su to tawhta cha vaw pahmaoh thlu aw na ta, ama hmia liata thluahruapa ta cha soh aw na ta, na thluahruana zydua ama hmô khai aw.

HÔSIA 2:7

A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

MIKÂ 7:5

Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

BIEPHUAH 17:13

Palôh miakha phaohpa ta, ama hmotaotheina nata biehneina cha sahrâhpa ama pie aw.

BIEPHUAH 17:16

Sahrâhpa nata ki hrawh na hmôpazy khata âzuahnô cha amâ hao aw. Roryhrapa nata thluahruapa ta tao aw ei ta, a sa nie aw ei ta, mei ta ama raosao aw.