CHAPHÔHTUNA 1:18 - Mara Bible RV (BSI)

¹⁸ “Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

CHAPHÔHTUNA 1:18 ပူးပေါင်းရင်းမြစ်များ

1 ABEIZY 13:21

Hrohsopa ta Zudâh râh tawhta a vypa Khazohpa chyhsa hnohta, “Abeipa ta hetana heta a tah: ‘Abeipa bie a ngiah leipa chi ta, Abeipa na Khazohpa ta bie a cha piepa zyh leipa chi ta,

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

HLAZY 107:11

Khazohpa bie chakhia ei ta, Chônôchaipa ryhraona khâpasaw ta ama rei leipa vâta a châ.

HLAZY 119:137

Hy Abeipa, nâ cha asiapa châ chi ta, Na ryhpazy chhao â do.

HLAZY 119:75

Hy Abeipa, na pachianazy â do tahpa pahno na ta, Pasa eina pataosapa chhao chi he â dopa a châ.

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

PUASAINA 9:27

Phiraoh ta Mawsi nata Arawna cha paawsa ta, ama hnohta, “Tahmâ la ei vaw molei ha tlai na. Abeipa cha a do ta, kei nata ei phopi tlai he moleipa cha eima châ.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 4:17

Kei einâ dyuhpa vâta, Lyu vaituhpazy hawhta a chheipâh zydua ama chadô khai,” Abeipa ta a tah.

ZEREMIAH 49:12

Abeipa ta hetana heta a tah: “Nyu a doh awpa a châ leipazy ta ama do thlyu awpa a byuh khiahta cha, nâ chhochhi cha hrie leipa ta na pua aw ma? Hrie leipa ta pua cheita aw va chi, na do thlyu awpa a châ.

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

CHAPHÔHTUNA 3:42

“Hmoparao pi ta eima châ dyuh, Chavâta miah a ngiahthai va chi.

CHAPHÔHTUNA 5:16

Eima luh tawhta lakho tla ha ta, Molei ha pi ta, eima hu a po kaw dia!

DÂNIAH 9:5

molei ha pi ta, hmoparao ha pi ta, molei ngaitapa ta hroh pi ta, châ dyuh pi ta, na biepiepazy nata bieraopazy eima vaw tleisai haw.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

AMÔSÂ 8:13

“Cha noh liata cha, Laihsa kôpa chhithaipazy dâhphipa ta panao aw ei ta, Satliazy chhao ta dâhphipa ta ama panao aw.

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

RYUREITUHPAZY 1:7

Adônibeze ta, “Ama kupi nata pheipi ei taipa bei sysarizy ta ei tlâhkhai ry liata azôpa a huah tyh ei ta, ei taopa hawh tlai ta Khazohpa ta viari eina thô he zaw,” tah ta. Zerusale lâ a chhi ei ta, cha liata thi ha ta.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.