CHAPHÔHTUNA 1:17 - Mara Bible RV (BSI)

¹⁷ Zaio cha a ku pazawh ta, Châhrasala thlah a palôh awpa y veih ei; Abeipa ta Zakaw kyh liata biepiepa papua ta, A vaihzy cha a khakhaipazy a pachâsa ha ei; Chatanachata Zerusale cha ama hry liata, Hmo puapa a vaw châ haw.

CHAPHÔHTUNA 1:17 ပူးပေါင်းရင်းမြစ်များ

1 ABEIZY 8:22

Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, avâ lâ a ku pazawh ta,

1 ABEIZY 8:38

ama palôh pasana pahno chyupa ta, mopakha ta tlyma, Izarei zawpi ta tlyma, he o lâ he a heihpa ta ama ku pazawh ei sala, thlahchhâna nata hiana ama vaw tlôkhei khiahta cha,

2 ABEIZY 25:1

Zedekia â beina kô chakina, thla hrawhna, noh hrawhna noh ta, Babylaw bei Nebukaneza ta a pheisaih zydua chhaota Zerusale siehnao ta. Khihpi dôh ei ta, khihpi padôpa ta dôhna diasuazy tao ei ta.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 54:11

“Hy nâ, pasa pataosapa ta y chi ta, Thlihpawpa ta cha pathluah ta, Thlapalôh leipa ta a ypa khihpi y, Pachâ teh, lôsôhpazy ta cha paduapathi aw na ta, Saphai lôsôhpazy hmâpa ta, Nâ bôna lôzy ei bô aw.

ZEREMIAH 12:9

Ei ryuto cha kei châta Changie hawhta châ ta ma, Sa hei niepa pavawzy ta ama chadô tly? Sie la, sahrâhpa zydua kei pakhy la, Ano palâ awpa ta a vaw chhi mah y.

ZEREMIAH 15:5

“Hy Zerusale y, ahy ma cha ngiachhie aw ta, Ahy ma a pachâ châ rôhkhei aw? Ahy ma na thâtih cha hiahri awpa ta, Nâ lâ a vaw tlei khoh aw?

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 34:22

Moh teh u, biepie aw na ta, Babylaw bei pheisaihzy cha, khihpi lâ he ei vaw chhi pakhua heih aw ei, Abeipa ta a tah. Chatanachata khihpi he a dyuh aw ei ta, la awh ei ta, mei ta ama rao aw. Zudâh khihpizy cha a pahrâtuhpa y leina khihpi roryhrapazy ta ei tao aw ei.”

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

ZEREMIAH 6:3

Mietaku vaituhpazy ta ama mietaku zawzy chhaota a vyhnao aw ei ta, A chheipâh liata ama poh ozy parai aw ei ta, Ama su chyu liata ama tlaih aw.

ZEREMIAH 8:18

Ei lyna lei ha ta, Pachârôhna na vaw tlô thlupa ta, Palôh pasana sai ta ei bie haw.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:19

“Ei khopawzy aw ei na ta, Châhrasala einâ paphasai khai ha ei; Ei theihthaipazy nata ei machâzy chhao, Khihpi liata ama thi khai haw; Ama hro a pazao nawpa ta niedo tlua ei ta, Ama hmô leipa vâta ama thi khai haw.

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 1:8

Zerusale cha thata molei ta, Chavâta a pualei haw; A thluahruana ama hmô hapa vâta, A za kaw tyhpazy chhao ta ama mohnao bâ; Ano chhao ta a hrô ta, Hiakha lâ tlâ â heih bâ.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 4:15

Chyhsazy ta, “Sie syulyu ha teh u! Pathaih leipa nama châ! Sie syulyu ha teh u! Sie syulyu ha teh u! Miah hria khah u!” tah ei ta; Phopizy ta, “Eima hry liata pahrâ khao aw veih ei” Ama tah hapa vâta, Arâpaipa nata viavipazy lâta amâ lie haw.

EZEKIA 36:17

“Chyhsa sawchapawpa y, Izarei pathlazy ta ama râh liata ama pahrâ no khata, ama hrozie nata ama hmotaopazy ta râh cha papuapalei ei ta, ei hmiakô liata ama hroziezy cha chanô a thaitlyh lei nota a pathaih leipa hawhta a châ.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.