CHAPHÔHTUNA 1:16 - Mara Bible RV (BSI)

¹⁶ “Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:16 ပူးပေါင်းရင်းမြစ်များ

HLAZY 106:42

Ama chariahpazy ta tlybai ei ta, Ama chariahpazy biehneina ry liata sopa ama châ.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 69:20

Reipachhienazy ta ei palôh pasasa ei ta, Pachârôhpa ta ei y. Nâ ngiachhie awpa tlua na ta, Châhrasala ahy hmah y veih ei; Thlah nâ palôh awpa tlua na ta, Châhrasala pakha hmah hmô veih ei na.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 54:11

“Hy nâ, pasa pataosapa ta y chi ta, Thlihpawpa ta cha pathluah ta, Thlapalôh leipa ta a ypa khihpi y, Pachâ teh, lôsôhpazy ta cha paduapathi aw na ta, Saphai lôsôhpazy hmâpa ta, Nâ bôna lôzy ei bô aw.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 14:17

“Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

ZEREMIAH 15:5

“Hy Zerusale y, ahy ma cha ngiachhie aw ta, Ahy ma a pachâ châ rôhkhei aw? Ahy ma na thâtih cha hiahri awpa ta, Nâ lâ a vaw tlei khoh aw?

ZEREMIAH 8:18

Ei lyna lei ha ta, Pachârôhna na vaw tlô thlupa ta, Palôh pasana sai ta ei bie haw.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:18

Ama palôh ta Abeipa a pado. Hy Zaio sawchanô thokhy y, Vah ti hawhta mothlihzy loh sala, A chhô zâ ta loh mawh sy! A pahâ leipa la, Na mo paso khah sy!

HÔSIA 9:12

Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.