CHAPHÔHTUNA 1:12 - Mara Bible RV (BSI)

¹² “Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

CHAPHÔHTUNA 1:12 ပူးပေါင်းရင်းမြစ်များ

HLAZY 88:16

Na pathiiana ta na vao ta, Na thyuhnaona rarôh ypa ta eina pahleipadia haw.

ISAI 13:13

“Chavâta avâzy chalyusa aw na ta, Pheisaihzy Abeipa pathiiana noh liata, A hiehâhna ru ngaitapa vâta Alei he a yna tawhta chatho pathlahpa a châ aw.

ZEREMIAH 10:19

Ei hmahphaopa vâta ei hu po ta, Ei hmah a ru kaw dia! Châhrasala, “He he pasataona cha châ ta, Ei tao awpa tlai na a châ,” ei tah tyh.

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 30:23

Moh tua u, Abeipa thlihpipa huh! A pathiiana chothyu a chamiehpa pathli ha ta, Hmoparaopazy luh a chanaoh aw.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

ZEREMIAH 48:27

Izarei kha na pahneisao tyh vei ma? Ano kyh na reina maihta na luh chahuah awpa ta, Parutuhpazy hry liata hmôpa a châ beih ma?

CHAPHÔHTUNA 1:18

“Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

MATHAI 24:21

Cha daihti liata, riethei pasataona rarôh y ngaitapa y aw ta, cha hawhpa cha leilô pi daihti tawhta tahmâ taihta y beih leipa ta, khati ta hmahta y heih khao aw vei.