CHAPHÔHTUNA 1:11 - Mara Bible RV (BSI)

¹¹ A khihsaw zydua a hrô ei ta, Viahchhâ ama tlua; Ama hro a pazao nawpa ta, Ama ryusôhpazy niedo ta ama ri. “Hy Abeipa, pachâ la, moh tua, Mohnaopa ta ei y ha hih.”

CHAPHÔHTUNA 1:11 ပူးပေါင်းရင်းမြစ်များ

2 ABEIZY 6:25

Samâri khihpi cha ama dôh hapa vâta, khihpi liata chakâh mozoh tlô ta, alâ luh miakha cha tâkâ sekel sycharie ta zuah ei ta, vachhuh ie saikhua khophie cha tâkâ sekel tlaw pangawh ta zuapa a châ.

ZAWBÂ 40:4

“Kei padisaihpa heta khâpa ma ei châ chhy bao aw? Ei pakah ei chahu ha bâ.

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

ZEREMIAH 19:9

Ama sawchapawzy nata ama sawchanôzy sa paniesa aw ei na ta, ama chariahpazy nata ama hrona la a chhuahpazy ta dôh aw ei ta, nôpopa ta ama paysa tita, mo to ta ama vaihzy sa ama nie aw.’

ZEREMIAH 38:9

“Ei zibeipa abei y, he chyhsazy ta hrohsopa Zeremiah khaohtlô liata ama pathlapa he, hmo pha lei ngaitapa ama taopa a châ. Khihpi liata viahchhâ y khao tlôh leipa ta, chavâta Zeremiah cha nodipa ta cha liata a thi aw mâh tâh,” tah ta.

ZEREMIAH 52:6

Thla palihna, noh chakina noh ta khihpi liata chakâh mozoh vaw tlô pathao ta, râh zawpizy châta niedo rai y khao leipa ta.

CHAPHÔHTUNA 1:8

Zerusale cha thata molei ta, Chavâta a pualei haw; A thluahruana ama hmô hapa vâta, A za kaw tyhpazy chhao ta ama mohnao bâ; Ano chhao ta a hrô ta, Hiakha lâ tlâ â heih bâ.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:12

Ama nôzy padopa ta cha ei ta, “Viahchhâ nata kresawhti khataih liata a y?” ama tah. Hmaphaohpa hawhta, Khiliah liata panaopa ta ama y; Ama nôzy byhpi chô liata, Ama hrona a lei.

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

CHAPHÔHTUNA 5:1

Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y!