CHAPHÔHTUNA 1:1 - Mara Bible RV (BSI)

¹ Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

CHAPHÔHTUNA 1:1 ပူးပေါင်းရင်းမြစ်များ

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

2 ABEIZY 23:33

Zehôahâ cha Zerusale liata ryureih thei khao lei awpa ta, Phiraoh Nekô ta Hâmathi râh Riblâ khih liata patâh ta, Zudâh râh cha tâkâ talent za kha nata ngôh talent miakha râhpaw a pacheisa lymâ.

2 ABEIZY 23:35

Zehôki ta tâkâ nata ngôh cha Phiraoh pie ta, Phiraoh biepiepa hawhta a tâkâ lâta pie awpa ta, râh liata chhie a khei lymâ. Phiraoh Nekô lâ pie awpa ta, râh chyhsazy chei awpa zie tu ta, tâkâ nata ngôh a khei lymâ ei.

2 THÂTIHZYRONA 9:26

Ufrâti chavah tawhta Philistinâ nata Izi râhri taihta abei zydua chô liata a bei ta.

EZRÂ 4:20

Bei thatlôpazy ta Zerusale chô liata ryu vaw reih ei ta. Âmo chata Chavah Haosâ râh zydua chô liata ryureih ei ta, cha beizy lâta râhpawzy, leimâzy, chhiezy ama vaw pie tyh.

NEHEMIAH 5:4

“Eima lyu nata eima kre sadô râhpawzy abei hnohta pie awpa ta, sôhzy dyuchei pi ta.

NEHEMIAH 9:37

Eima moleina vâta eima chô liata bei châ awpa ta na raopazy ta râh kôvei phanazy ama to khai ha hih. Ama khozie hawhta eima pôhpa nata eima sahrohzy chô liata biehnei ei ta, nôpo pachârôhpa ta eima y.

HLAZY 122:4

Izarei châta biepiepa raopa hawhta, Abeipa moh reithai awpa ta, Cha khihpi lâ cha Izarei chizy ta khy tyh ei ta, Abeipa chizy ta ama khy tyh.

ISAI 14:12

“Hy Deiva Awhsi, My khihdei sawchapawpa, Avâ tawhta dia na za tla haw! Hy râhzy a panawhtuhpa, Alei taihta chhawh pathlapa ta dia na y haw!

ISAI 22:2

Awhsâhpa nata palopasahpa pyu ta a bie tyhpa khihpi châ chi ta, Haosai phapa khih châ tyh va chi ma? Na khihsaw ama thiepazy cha zaozi ta thiepa châ leipa ei ta, Adyuhna liata a thipa châ hra veih ei.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 49:21

Na palôh ta pachâ aw chi ta, ‘He sahlao he ahy ma nâ sapa tly i? Kei cha mâchhiesapa ta choh ha na ta, Sei ta nâ chhipa ta na papua ha ei ta, Ahy ma âmo he a vaw mohôh tly i? Pachâ tua u, keima dei ta siesaipa châ tlôh na ta, He sahlao he khataih tawhta a vypa ma ama châ tly?’ na tah aw.”

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

ISAI 52:2

Hy Zerusale, thyu la, Dohlei châ baipa kha chatho la, Na beidyuchhai liata a tyuh teh! Hy Zaio sawchanô sei ta a tâhpa y, Na rao liata bâlia nâ kypazy kha pathlâ mah y.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ZEREMIAH 31:7

Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

ZEREMIAH 40:9

Sâphâ sawchapawpa Ahikâ saw­chapawpa Kedaliah ta âmo nata ama sahlaozy cha bie a taih ta, ama hnohta, “Kaldia mo chakao awpa ta chi khuh vy. Râh liana heta y molopa ta, Babylaw bei chakao u la, nama châta a pha aw.

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

ZEREMIAH 44:2

“Pheisaihzy Abeipa, Izarei Khazohpa ta hetana heta a tah: Zerusale nata Zudâh khihpi zydua chô liata chhiena ei patlôsapa zydua nama hmô. Moh tua u, tanoh chhao roryhrapa ta y ei ta, khihpizy liata a pahrâpa ama y khao vei hih.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

ZEREMIAH 50:23

Khizaw pôhpalôhpa syulô cha, Tlie ta a kei thlâh ha dia! Kheihtazieta ma Babylaw cha, Phopizy hry liata su chichhihpa lâta a pua haw!

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

CHAPHÔHTUNA 1:19

“Ei khopawzy aw ei na ta, Châhrasala einâ paphasai khai ha ei; Ei theihthaipazy nata ei machâzy chhao, Khihpi liata ama thi khai haw; Ama hro a pazao nawpa ta niedo tlua ei ta, Ama hmô leipa vâta ama thi khai haw.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:10

Zaio khihpi machâzy cha, A chalihpa ta alei liata a tyuh ei ta; Ama luh liata buchâh a mia ei ta, Latho poh amâ bu; Zerusale laihsa kôpazy chhao, Alei lâ a khu ei ta amâ bôh.

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

CHAPHÔHTUNA 5:16

Eima luh tawhta lakho tla ha ta, Molei ha pi ta, eima hu a po kaw dia!

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 26:2

“Chyhsa sawchapawpa y, Tyre ta Zerusale kyh liata, ‘A pha kaw dia, phopizy chhikao rao ha ta, ei châta â pahy haw. Tahmâ cha khih rypa châ ha ta, chavâta ei dôhkhâh ha aw,’ a tahpa vâta,

EZEKIA 5:5

“Abeipa Zehôvâh ta hetana heta a tah: He he Zerusale a châ. Phopizy liah liata soh na ta, râhzy ta ei chadôsa.

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.