BIESOZY 9:8 - Mara Bible RV (BSI)

⁸ Akhotlâh kawpa chyhsa la ra hlei khah y, A châ hao pathlei aw na; Chyhsa sopa ra la, Kyh a cha pachâ aw.

BIESOZY 9:8 ပူးပေါင်းရင်းမြစ်များ

1 ABEIZY 1:23

Abei hnohta, “Hrohsopa Nâthâ â vy,” tahpa ta chho ei ta. Nâthâ cha abei hmiakô a kei tlô nahta, abei hmiakô liata a hmia alei lâ a khupa ta a bôh ta.

1 ABEIZY 1:32

Chatawhcha Bei Dâvi ta, “Theihthaipa Zadô nata hrohsopa Nâthâ nata Zehôdâ sawchapawpa Benai zy na awpa teh u,” tah ta. Chatanachata abei hmiakô lâ a vy ei ta.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIESOZY 10:8

Palôh sopa cha biepiepazy a pyh ta, Ahrupa reikah hluhpa deikua cha a pao aw.

BIESOZY 13:1

Sawchapaw sopa cha a paw pachuna nathlie ta, Chhorupa deikua cha chhoreina nathlie khoh vei.

BIESOZY 13:18

Pachuna a khoh leipa cha dyhchhiena nata nohzaona ta tlô thlu aw ta, Rana a pyhpa deikua cha palyupalihpa a châ tyh.

BIESOZY 15:12

Chyhsa mohnao a hmâhpa cha rana pasô leipa ta, Chyhsa sopa pangai aw vei.

BIESOZY 19:25

Chyhsa a pasipasawhpa cha tu la, Sona a phahlapa ta sona a chu aw ta; Chyhsa sovâhpa cha chhorei la, A pahnona a pôh aw.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

BIESOZY 23:9

Ahrupa theina liata bie reih khah y, Na sona biezy a mohnao pathlei aw na.

BIESOZY 28:23

A paleih ta a reithai pakheipa hlâta cha, Chyhsa a chhoreituhpa ta hnôhlâ ta khokheina a hlao via aw.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ISAI 36:21

Bei biepiepa ta, “A chhy khuh vy,” a tah hapa vâta, zawpizy cha a chalih thlâh ha ei ta, kawh kha hmah a chhy veih ei.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.