BIESOZY 9:7 - Mara Bible RV (BSI)

⁷ Chyhsa a khotlâhpazy a chhoreipa cha, Ano hmâchhâh taochhiena a tyh ta; Chyhsa moleipa a rapa chhao, Ano hmâchhâh hmah a phaoh tyh.

BIESOZY 9:7 ပူးပေါင်းရင်းမြစ်များ

1 ABEIZY 18:17

Ahabâ ta Elaizâh a hmô nahta, a hnohta, “Nâma he ma, Izarei nôpopa ta a sohtuhpa chi cha?” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:24

Cha khaipa nahta, Kenânâ sawchapawpa Zedekia ta a vaw hnia ta, Mikai baih liata vaw chabaih ta, a hnohta, “Kheihta ma Abeipa Thlahpa cha kei tawhta puapa ta, na hnohta bie a reih thai aw?” tah ta.

1 ABEIZY 22:27

ama hnohta, ‘Abei ta hetana heta a tah: “Thlalôhpa ta ei vaw kua heih hlâlei cha, he chyhsa he patâhna o liata khô u la, viahchhâ chyhta nata ti chyhta dei nama pie aw,” a tah,’ tahpa ta nama chho aw,” tah ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

ZAWBÂ 5:17

“Moh tua, Khazohpa chhoreipa chyhsa cha thlaochhipa ta a y tyh, Chavâta Atotaotheipa chhoreina cha saw ta rei leipa ta y khah y.

BIESOZY 13:1

Sawchapaw sopa cha a paw pachuna nathlie ta, Chhorupa deikua cha chhoreina nathlie khoh vei.

BIESOZY 15:12

Chyhsa mohnao a hmâhpa cha rana pasô leipa ta, Chyhsa sopa pangai aw vei.

BIESOZY 23:9

Ahrupa theina liata bie reih khah y, Na sona biezy a mohnao pathlei aw na.

ISAI 36:21

Bei biepiepa ta, “A chhy khuh vy,” a tah hapa vâta, zawpizy cha a chalih thlâh ha ei ta, kawh kha hmah a chhy veih ei.