BIESOZY 9:6 - Mara Bible RV (BSI)

⁶ Hruna hrozy siesaipa ta hrona hnei la, Novâhna lâpi a chhih mah y,” a tah.

BIESOZY 9:6 ပူးပေါင်းရင်းမြစ်များ

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 45:10

Hy ei sawchanô, nathlie la, Pachâ la, na nah pachôh la, Na phopi nata na paw o my ha mah y!

BIESOZY 10:17

Pachuna a pyhtuhpa cha hrona lâpi liata sie ta, Rana a dythapa deikua cha mohropazy â chhi chhei tyh.

BIESOZY 13:20

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

BIESOZY 23:19

Ei sawchapawpa y, nathliepa ta so la, Lâpi dopa liata na palôh soh mah y.

BIESOZY 4:11

Sona lâpi cha pachu na ta, Lâpi dopa liata ei cha chhihtha.

BIESOZY 8:35

Nâ hmôpa maih hrona a hmôpa châ ei ta, Abeipa khokheina ama to aw.

BIESOZY 9:11

Na nohzy pasisa aw na ta, Na hro chhôh kôzy ei baichha aw.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

EZEKIA 37:24

“Nâ chakaotuhpa Dâvi cha ama chô liata bei châ aw ta, ama zydua ta vaituhpa pakha ama hnei aw. Ei ryhpazy a chhih aw ei ta, ei bieraopazy ama zyh aw.

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

HMOTAOPAZY 2:40

Bie hropa hluhpi ta Zisu cha a châhkhei lymâpa ta zawpizy cha pasyu ta, ama hnohta, “He chhâ moleipa tawhna heta a pabohsa teh u,” tah ta.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.