33 Pachuna nathliepa ta so u la, Dytha khuh vy.
Khiliah lôhawh chaina su liata awh ta, Khihpi thokhy chhikaozy liata hetana heta a tah:
Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,
Ei sawchapawpa y, na paw chhoreina bie nathlie la, Na nô pachuna bie a heihsai khah y;
Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.
Pasopakâna bie nathlie la pachuna a pyh mah y, Achhâna liata sona na hmô aw.
Ei sawchapawzy saih u, paw pachuna bie thei u la, Novâhna nama hnei thei nawpa ta nathlie teh u.
Ei sawchapawpa y, ei sona he nathlie la, Ei novâhna lâ he na nah pachôh mah y.
Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!
