BIESOZY 8:27 - Mara Bible RV (BSI)

²⁷ Avâzy a padua nota y ha na ta, Ti athupa chô liata vâphuh a chhôh nota ei y haw.

BIESOZY 8:27 ပူးပေါင်းရင်းမြစ်များ

ZAWBÂ 26:10

Tizy chô liata râhri haih ta, Khaihna nata zohna likawh râhri a tao.

HLAZY 103:19

Abeipa ta vârâh liata a beidyuchhai padua ta, Â beinarâh cha ato chô liata ryureituhpa a châ.

HLAZY 136:5

Novâhna ta avâzy a taotuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

BIESOZY 3:19

Abeipa ta sona ta alei he bô ta, Novâhna ta avâzy khi a padua.

BIESOZY 8:26

Leilô nata lyurâhpazy a tao hlâta pih ha na ta, Khizaw dohlei hmiatuachaipa a y hlâta ei pih haw.

BIESOZY 8:28

Chô lâ avâzy a pa-i nota y ha na ta, Ti athupa tihnawhzy a tao nota ei y haw.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 40:22

Ano cha alei vâphuh pahlôpa chô liata a tyuhpa châ ta, A mohmô liata cha, Lei liata a pahrâpazy cha khawsu hawh deita ama châ. Ano cha avâ khi pohraipa hawhta a pakaituhpa châ ta, Pahrâ nawpa poh o hawhta a paraituhpa a châ.

ZEREMIAH 10:12

A hmotaotheina ta alei tao ta, A sona ta khizaw padua ta, A novâhna ta avâ a parai.

KAOLAOSÂ 1:16

Ano ta ato tao ta, avâ liata a ypazy, alei liata a ypazy, hmô theipazy, hmô thei leipazy, beidyuchhaizy, biehneinazy, ryureituhpazy nata biehneituhpazy a tao. Ato ano vâta taopa châ ta, ano châta taopa a châ.

HEBRAI 1:2

he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.