BIESOZY 8:15 - Mara Bible RV (BSI)

¹⁵ Keima baona ta beizy ryureih ei ta, Ryureituhpazy ta ryureina dopa ama siekhei.

BIESOZY 8:15 ပူးပေါင်းရင်းမြစ်များ

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

1 ABEIZY 5:7

Hirâ cha Sawlawmaw biezy a thei nahta, a ly ngaita ta, “He phopi rônahpa chô liata ryurei awpa ta sawchapaw sopa Dâvi hnohta a piepa Abeipa cha tanoh reithaipa ta y mawh sy!” tah ta.

1 THÂTIHZYRONA 28:5

Abeipa ta sawchapaw hluhpi na pie ta, ei sawchapawpa Sawlawmaw cha Abeipa khinarâh beidyuchhai liata a tyuh ta, Izarei chô liata ryureih awpa ta a tlyh ta.

2 THÂTIHZYRONA 1:10

Chavâta he phopi hmiakô liata ei pua nawpa nata ei ngia nawpa châta a ngiahpa sona nata novâhna na pie mah y. Chataleipatala he tlu ta a hluhpa na phopi chô liana he ahy ma ryu a reih thei aw?” tah ta.

2 THÂTIHZYRONA 1:11

Khazohpa ta Sawlawmaw hnohta, “Cha hmo cha na palôh liata y ta, sôh nata piah, hneirôna, palyupalihna, châ haotuhpazy hrona nata hro pareihna zy hiah leipa chi ta, ama bei ta ei cha taopa ei phopi chô liata ryu na rei thei nawpa ta, sona nata novâhna tlao eina hiapa vâ chi ta,

HLAZY 2:10

Chavâta Hy beizy saih u, So bâ u la, Lei ryureituhpazy saih u, Pachuna a pyh bâ muh vy.

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

BIESOZY 29:4

Abei ta adona ta râh padua ta, Hmopiepa a latuhpa deikua ta cha a parao tyh.

BIESOZY 8:16

Keima baona ta beimachâzy ryureih ei ta, Nôpawpa zydua ta â dopa ta ryu ama reih tyh.

ISAI 1:26

Hnôhlâ daihti hawhna khata, Na ryureituhpazy padua heih aw ei na ta; Âthaona daihti hawhna khata, Na ryhraotuhpazy ei padua heih aw ei. Cha khai tawhta cha, siana khihpi tahpa châ aw chi ta, Ngâchhihpa khihpi tahpa na châ aw.”

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

RAWMA 13:1

Chyhsa to ta ama chô liata ryureituhpazy bie ama zyh awpa a châ. Khazohpa rao leipa ryureituhpa y veih ei. Ryureituhpazy cha Khazohpa raopa ama châ.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 9:17

Samuela ta Sawla a hmô nahta, Abeipa ta a hnohta, “Mo teh, kha chyhsa kha a kyh ei cha chhopa chyhsa cha a châ. Ano ta ei phopi chô liata ryu a reih aw,” tah ta.