BIESOZY 8:13 - Mara Bible RV (BSI)

¹³ Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

BIESOZY 8:13 ပူးပေါင်းရင်းမြစ်များ

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

HLAZY 119:104

Na pachunazy tawhta novâhna hnei na ta, Chavâta hrozie doleipa to ei hao.

HLAZY 119:128

Chavâta na pachunazy â do khai tah na ta, Hrozie doleipa ei hao.

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

PUASAINA 1:17

Châhrasala nawhpaytuhpazy cha Khazohpa a chipa ama châpa vâta, Izi bei biepiepa hawhta tao leipa ei ta, sawchapawzy chhao ama pahlôh lymâ.

BIESOZY 10:31

Mosiapa pakah ta sona papua ta, Nôchhiepa paleih deikua cha taipa a châ aw.

BIESOZY 15:9

Moleipa lâpi cha Abeipa châta pasichhihpa châ ta, Siana lâpi a chhituhpa deikua cha Abeipa ta kyh a pachâ.

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 16:5

Palôh laipa chyhsa cha Abeipa châta pasichhihpa châ ta, Hriena khôkhâh cheita aw vei.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 3:7

Nâma pachâ ta a pasosa leipa la, Abeipa chi la, Moleina siesai mah y.

BIESOZY 4:24

Bie hloh hneipa na pakah tawhta thy la, Dôveina bie chhao na hmao tawhta thy ha mah y.

BIESOZY 6:12

Chyhsa dyutlai leipa, chyhsa moleipa cha, Pakah hloh chhaota â khie tyh.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

ZEKARIA 8:17

Nama vaih chhie nawpa kyh nama palôh ta patuapalua leipa u la, haipa ta bie a taihpa hmâh khah u. He zydua he ei hao,” Abeipa ta a tah.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

1 THYSALAWNIKA 5:22

moleina chi to a heihsai teh u.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.