BIESOZY 6:23 - Mara Bible RV (BSI)

²³ Biepiepa cha meiôh châ ta, Pachuna cha khaihna châ ta, Chhoreina rana cha hrona lâpi a châ.

BIESOZY 6:23 ပူးပေါင်းရင်းမြစ်များ

ÂTHAONA 39:8

Châhrasala Zawsi ta khoh leipa ta, a zibeipa lapinô hnohta, “Pachâ teh, keima ei ypa vâta, he o liata hmo zydua he ei zibeipa ta pachâ khao vei. A hneipa zydua ei ku liata soh khai ta,

HLAZY 119:105

Na bie cha ei phei châta meiôh châ ta, Ei lâpi châta khaihna a châ.

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

HLAZY 19:8

Abeipa pachuna cha a do ta, Palôh a palysa; Abeipa biepiepa cha khaih ta, Mo a pavâsa.

BIESOZY 10:17

Pachuna a pyhtuhpa cha hrona lâpi liata sie ta, Rana a dythapa deikua cha mohropazy â chhi chhei tyh.

BIESOZY 15:24

Asopa châta cha hrona lâpi he â sâh lâta kiah lymâ ta, Chatanachata â hnai lâta Athihkhih lâpi a tleisai thei ha aw.

BIESOZY 15:31

Hrona chhoreina a nathliepa nakhaoh cha, Asopazy hry liata a pahrâ aw.

BIESOZY 29:15

Sôsi nata rana ta sona pie ta, Ano y ta paysapa hawti deikua cha, A nô châta nozana a tlôkhei tyh.

BIESOZY 3:18

Ano â patupa maih châta hrona tho châ ta, Â ipa ta ano a patupazy cha thaphapa ta ama y.

BIESOZY 4:13

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

BIESOZY 4:4

Ei paw ta na pachu ta ei hnohta, “Na palôh ta ei biezy he khâchâ a vao sala, Ei biepiepazy he zyh la, hroh mah y.

BIESOZY 5:12

“Kheihtazieta ma chhoreina a hao na ta, Ei palôh ta rana kha a vaw papeisa vei tly!

BIECHHOTUHPA 7:26

Chatanachata thina hlâta a kha viapa ei hmô haw: Cha cha khoheih palôh nata sao palôh a phaohpa chanô châ ta, a ku keihrai ta a hmâhpa chanô a châ. Khazohpa a palysapa cha, cha chanô tawhta a boh aw ta, moleipa deikua cha a patu aw.

BIECHHOTUHPA 7:5

Ahrupazy hla sapa nathliepa hlâta cha, Asopazy chhoreina nathliepa a pha via.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

ZEREMIAH 21:8

“Chatawhcha he phopi hnohta hetana heta na tah aw: ‘Abeipa ta hetana heta a tah: Moh teh u, nama hmiakô liata hrona lâpi nata thina lâpi ei cha sopa ei hih.

EZEKIA 20:11

Chyhsapa ta zyh sala, a hro thei nawpa ta, ei bieraopazy pie ei na ta, ei ryhpazy ei pahnosa ei.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

BIEPHUAH 2:5

Chavâta na paosai hapa kha a thei la, ro la, hmiatua ta na tao tyhpa hmozy kha tao heih mah y. Chataleipatala nâ lâ a vy aw na ta, na ro vei khiahta cha, na meiôh patyuna kha a su tawhta ei pasie aw.