BIESOZY 6:18 - Mara Bible RV (BSI)

¹⁸ Hmo pha leipa tao a chhuahpa palôh, Paraona lâ a râpa ngiahly thatlôpa,

BIESOZY 6:18 ပူးပေါင်းရင်းမြစ်များ

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

HLAZY 36:4

A rakhô liata hmo chhiepa patuapaluapa ta, Hrozie pha leipa liata anosasyh ta a soh ta, Moleina dytha vei.

BIESOZY 1:16

Moleina lâta ama pheizy a râ ta, Thisaih palo awpa ta amâ para tyh.

BIESOZY 15:26

Moleipazy pachâna cha Abeipa châta pasichhihpa châ ta, Mopathaihpazy bie deikua cha khochhihpa a châ.

BIESOZY 24:2

Ama palôh ta thachahra hmâna kyh patuapalua ei ta, Ama hmao ta tymâna bie a reihpa ama châ.

BIESOZY 24:8

Hmo pha leipa tao awpa ta ryh a raopa cha, Paraopakeituhpa ama tah aw.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

ZEKARIA 8:17

Nama vaih chhie nawpa kyh nama palôh ta patuapalua leipa u la, haipa ta bie a taihpa hmâh khah u. He zydua he ei hao,” Abeipa ta a tah.

RAWMA 3:15

Thisaih palo awpa ta ama phei chatlie kaw ta,