BIESOZY 6:17 - Mara Bible RV (BSI)

¹⁷ Chazy cha, â khotlâhpa mokhaohzy, Paleih haihthaipa, Paraona a hnei leipa thisaih a palopa kuzy,

BIESOZY 6:17 ပူးပေါင်းရင်းမြစ်များ

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

2 ABEIZY 24:4

Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 131:1

Hy Abeipa, ei palôh lai leipa ta, Ei mo a sâh vei; Hmo rônahpazy hnei nawpa sai pachâ leipa na ta, Hmo khochhihpazy hnei nawpa sai pachâ va na.

HLAZY 18:27

Areisipa pachha chi ta, Akhotlâhpa na panawh tyh.

HLAZY 31:18

Hmao haiphiahpazy reihpathlie thei leipa ta y mawh ei sy; Haiphiahpazy cha apalaina nata mohnaona ta bie ei ta, Mosiapazy a reipachhie tyhpa ama châ.

HLAZY 5:6

Haipa bie a reihpazy pahleipadia chi ta, Thisaih palo hmâhpa nata dôvei thaipazy cha, Abeipa ta â hao ei.

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

BIESOZY 1:11

“Eima hnohta a vy la, Thisaih palo awpa ta a byh sih la, A chhâpa y leipa ta paraona a hnei leipazy a byh ei suh u.

BIESOZY 1:16

Moleina lâta ama pheizy a râ ta, Thisaih palo awpa ta amâ para tyh.

BIESOZY 12:22

Paleih haihthaipa cha Abeipa châta pasichhihpa châ ta, Âdopa ta a taotuhpazy deikua cha â ly ei.

BIESOZY 14:5

Pahnokheituhpa ngâchhihpa cha haipa bie reih leipa aw ta, Pahnokheituhpa pakheipa deikua cha hai­pa biezy a papua tyh.

BIESOZY 16:5

Palôh laipa chyhsa cha Abeipa châta pasichhihpa châ ta, Hriena khôkhâh cheita aw vei.

BIESOZY 17:7

Reih phapa cha ahrupa nata a khyh leipa ta, Hmao haihthaipa chhochhi abeisaw nata â khyh lei pachai.

BIESOZY 21:4

Mo a sâhpa nata palôh laipa cha moleina châ ta, Cha cha moleipa meiôh a châ.

BIESOZY 26:28

Paleih haihthaipa cha a pasasapazy a hao ta, Papyupahlyna pakheipa pakah chhao paraona rai a hria tyh.

BIESOZY 28:17

Chyhsa thisaih maoh a phaohpa cha, Khaoh­tlô lâ a râ aw ta, Ahy ta hmah bao khah sy.

BIESOZY 30:13

Ama mo a sâh kawpazy chhao y ei ta, Ama mo vozy â sâh lâ sai ta a sai tyh.

BIESOZY 6:16

Abeipa â haopa hmo miacharu y ta, A châta pasichhihpa miasari a y.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 3:16

Abeipa ta hetana heta a tah: “Zaio sawchanôzy cha a khotlâh kawpa ta, Ama rao pachhuapa ta a hlaihlâ ei ta, Ama mozy ta sydie ei ta, Ama chao chamieh chamâpa ta, Ama phei lâkyuzy ama parosa laihpa vâta,

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ZEREMIAH 26:15

Eina thie khiah ei chi ta cha, thaileina a hnei leipa thisaih cha, nâmo nata he khihpi nata a khihsawzy chô liata nama patlôsa aw tahpa deikua a siapa ta pahno muh vy. Abeipa ta na ngâ ta, he bie zydua he nama nah theina liata reih awpa ta eina tuapa châ tlôh ta,” tah ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RYHPACHANEINA 19:10

Chataleipatala Abeipa nama Khazohpa ta ryuto châta râh a cha piepa liata paraona a hnei leipa thisaih palopa châ aw ta, thisaih maoh nama phaoh pathlei aw.

RYHPACHANEINA 27:25

“Paraona hnei leipa thie nawpa ta panaopapana a lapa cha chhiesapa ta y mawh sy,” tah aw ei ta, zawpi ta, “Amen” ama tah aw.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.