BIESOZY 6:14 - Mara Bible RV (BSI)

¹⁴ Chyhsa parao khohna palôh phaopa ta, Hmo chhiepa tao a chhuah ta, Achhaihna chi a tu lymâ.

BIESOZY 6:14 ပူးပေါင်းရင်းမြစ်များ

HLAZY 140:2

Âmo cha ama palôh ta hmo chhiepazy patuapalua ei ta, Adyuhna khâ a pathyupazy ama châ.

HLAZY 140:3

Ama palei parih paleih hawhta patiahsa ei ta, Ama hmao ry liata vâzi châmaih a y. Selah

HLAZY 36:4

A rakhô liata hmo chhiepa patuapaluapa ta, Hrozie pha leipa liata anosasyh ta a soh ta, Moleina dytha vei.

BIESOZY 14:22

Hmo pha leipa tao a chhuahpazy cha viavi tyh ei ta, Hmo pha tao a chhuahpazy deikua cha kyhpachâna nata biehmeiseihpa ama hlao tyh.

BIESOZY 16:27

Chyhsa dyutlai leipa cha hmo pha leipa tao a chhuah tyh ta, A hmaozy cha mei sahpa hawhta a châ.

BIESOZY 17:20

Palôh akopa chyhsa cha hmo phapa hmô leipa ta, Paleih haihthaipa chhao chhiena â tyh tyh.

BIESOZY 2:14

Moleina hmo taopa liata ama thapha ta, Molei chochhiena a lypazy ama châ.

BIESOZY 21:8

Thailei a châpa lâpi cha a ko ta, Chyhsa pathaihpa hro deikua cha â do.

BIESOZY 22:8

Adoleina chi a tupa cha chhiena hria aw ta, A hiehâhna chôchahrei chhao a tlie aw.

BIESOZY 24:8

Hmo pha leipa tao awpa ta ryh a raopa cha, Paraopakeituhpa ama tah aw.

BIESOZY 3:29

Cha ngâ ta na kiapâh liata a pahrâpa, Na opa chô liata hmo chhiepa tao a chhuah khah y.

BIESOZY 3:32

Palôh a kopa cha Abeipa châta pasichhihpa châ ta, Palôh patlâpazy deikua cha Abeipa ngâpa chyhsazy ama châ.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ISAI 57:20

Moleipazy deikua cha, Tilaipi a chatlaopa hawhta châ ei ta, A chalih beih veih ei; Ama tizy ta apuapa papua ei ta, Chiatlao zy ama papua tyh.

EZEKIA 11:2

Abeipa ta ei hnohta, “Chyhsa sawchapawpa y, kha chyhsazy kha hmo pha leipa tao a chhuahpazy châ ei ta, he khihpi châta ryhraona pha leipa a pietuhpazy ama châ.

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

RAWMA 16:17

Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.