BIESOZY 6:12 - Mara Bible RV (BSI)

¹² Chyhsa dyutlai leipa, chyhsa moleipa cha, Pakah hloh chhaota â khie tyh.

BIESOZY 6:12 ပူးပေါင်းရင်းမြစ်များ

HLAZY 10:3

Moleipa cha a palôh khopa a palaikhei ta, Athôhna khohlei khohpa chyhsa ta Abeipa cha chhiesapa ta â heihsai tyh.

HLAZY 10:7

A pakah cha chhiesana, dôveina nata tlybaina zy ta bie ta, A paleih ry cha chhoruna nata paraona zy ta a bie.

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 59:7

Moh teh u, ama pakah ta pa-ua ei ta, Ama hmaozy liata zaozi y ta, “Ahy miah a thei aw?” ama tah tyh.

BIESOZY 10:32

Mosiapa hmaozy ta a pyh tlâhpa pahno ta, Moleipa pakah deikua cha nôchhiena bie a reih tyh.

BIESOZY 11:6

Adopazy cha amâ dona ta âmo pachha ta, Piehpiepazy deikua cha âmo aohraohna liata amâ ao tyh.

BIESOZY 16:27

Chyhsa dyutlai leipa cha hmo pha leipa tao a chhuah tyh ta, A hmaozy cha mei sahpa hawhta a châ.

BIESOZY 16:30

A mo vo a chakhyhpa cha hmo doleipa tao â chhuahpa châ ta, A hmao a papiepa chhao hmo pha leipa a tlôkhei tyh.

BIESOZY 17:4

Hmo pha leipa a taotuhpa cha moleipa hmaokah nathlie tyh ta, Haihthaipa chhao chochhiepa paleih lâ a nah a pachôh tyh.

BIESOZY 2:12

Moleipa lâpi tawhta cha pachha aw ta, Chyhsa paviasana bie a reihpazy tawhta a cha pachha aw.

BIESOZY 3:32

Palôh a kopa cha Abeipa châta pasichhihpa châ ta, Palôh patlâpazy deikua cha Abeipa ngâpa chyhsazy ama châ.

BIESOZY 4:24

Bie hloh hneipa na pakah tawhta thy la, Dôveina bie chhao na hmao tawhta thy ha mah y.

BIESOZY 6:14

Chyhsa parao khohna palôh phaopa ta, Hmo chhiepa tao a chhuah ta, Achhaihna chi a tu lymâ.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

ZEREMIAH 24:2

Hrâbyh miakha liata theiku pha ngaitapa, theiku hmoh tuapa hawhpa y ta, hrâbyh hropa liata deikua cha, theiku chhie ngaitapa, nie tlâh châ leina taihta a chhiepa y ta.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

HMOTAOPAZY 20:30

Nama hry tawh cheingei chhao ta, pachupazy âmo lâ pabaisa a chhuahpa ta, haipa bie hmâpa ta chyhsa a pasiesachheipazy ama vaw pua aw.

1 TIMAWTHY 5:13

Cha dei châ vei, thathipa ta y ei ta, o to ta amâ khiekhâ tyh. Ama thathipa dei châ leipa ta, chyhsa kyh reih ei ta, biethâhzy taopa ta, rei lei awpazy ama reih tyh.

ZÂMIE 1:21

Chavâta apuapa zydua nata moleina to pahlei khai u la, nama thlahpa a pachha theipa, bie chi tupa cha a reisi ngaitapa ta a pyh muh vy.

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.