BIESOZY 5:22 - Mara Bible RV (BSI)

²² Hmoparaopa cha a paraona khoheih liata a ao aw ta, A moleina chaori ta â ipa ta a chahry aw.

BIESOZY 5:22 ပူးပေါင်းရင်းမြစ်များ

1 ABEIZY 18:18

Elaizâh ta, “Kei ta Izarei nô papo va na, nâma nata na paw chhôhkha ta Abeipa biepiepazy tleisaipa ta, Bâlâ nama pazipa vâta, Izarei nô nama papopa a châ.

ESTHERI 9:25

Châhrasala cha thâtih cha abei kô a vaw tlô nahta, Zuzy tei nawpa ta hmo chhiepa tao â chhuahpa cha, ano luh chô liata a lie thlupa ta, ano nata a sawchapawzy cha, paaosaona tho tlâh liata paaosao awpa ta ropa ta tlao bie a pie haw.

ZAWBÂ 18:8

Ano phei tlai ta sao lâ a chhi aw ta, Khoheih khaoh chô liata a sie aw.

HLAZY 40:12

Paraona rei tiah leipazy ta na chadô ei ta, Ei moleinazy ta eina pha ha ei, Avâ chhao ua ngâh khao va na; Ei luh liata sâ hlâta hluh via ei ta, Ei palôh tha a panao khai haw.

HLAZY 9:15

Phopizy âmo khaohtlô chaopa liata tla ei ta, Â nyupa ta sao ama paraipa liata Ama phei â ao tyh.

HLAZY 9:17

Moleipa cha Athihkhih lâ kua aw ta, Khazohpa a mypa phopi zydua chhao Athihkhih lâ ama kua hra aw.

BIESOZY 1:18

He chyhsazy heta âmo thisaih a byh ei ta, Âmo hrona amâ byh.

BIESOZY 11:3

Chyhsa dopazy cha amâ dona ta âmo chhihtha ta, Piehpiepazy deikua cha âmo zietiahna ta a pahleipadia tyh ei.

BIESOZY 11:5

Phapakipa cha a siana ta a lâpi patlâsa ta, Moleipa deikua cha ano moleina ta a pao tyh.

BIESOZY 11:6

Adopazy cha amâ dona ta âmo pachha ta, Piehpiepazy deikua cha âmo aohraohna liata amâ ao tyh.

BIESOZY 12:14

Chyhsa cha a reikah thei tawhta hmo phapa ta a lôhrâ patlô ta, Ano ku hmotaopa tlai ta ano lâ a vaw lie thlu heih tyh.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIESOZY 18:7

Ahrupa pakah cha ano raona châ ta, A hmao chhao a hro châta khoheih a châ.

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

BIESOZY 26:27

Khaohtlô a chaopa cha a chhôh liata tla aw ta, Alô a pahluahpa chhao ano â vaw hlua thlu heih aw.

BIECHHOTUHPA 7:26

Chatanachata thina hlâta a kha viapa ei hmô haw: Cha cha khoheih palôh nata sao palôh a phaohpa chanô châ ta, a ku keihrai ta a hmâhpa chanô a châ. Khazohpa a palysapa cha, cha chanô tawhta a boh aw ta, moleipa deikua cha a patu aw.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

CHAPHÔHTUNA 1:14

“Ei paraona cha raopaky liata chahry pâpa châ ta, Abeipa ta ano ku tlai ta a chahry pâ haw; Ei rao liata pakypa châ ta, Ei tha a pazeisa khai haw; Ei pahnie thei lei awpazy ku liata, Abeipa ta eina hlâ haw.

ÔBADIA 1:15

“Abeipa noh cha, Phopi zydua châta â hnia haw; Na taopa hawh tlai ta, Na chô liata taopa a châ aw; Na hmotaopazy tlai kha, Na luh chô lia â vaw lie aw.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

RYUREITUHPAZY 20:41

Izarei pheisaihzy Benzami pheisaihzy cha a vaw liehnao ei ta. Benzami pheisaihzy cha chhiena ta a tlô thlu ha ei tahpa ama pahnopa vâta, ama thlazoh ngaita ta.

RYUREITUHPAZY 9:57

Sekhe chyhsazy moleina zydua chhao, Khazohpa ta viari thôpa ta ama luh chô liata palie thlusa ta, Zerubâlâ sawchapawpa Zôthâ chhiesana ama chô liata a vaw tlô hapa a châ.