BIESOZY 4:4 - Mara Bible RV (BSI)

⁴ Ei paw ta na pachu ta ei hnohta, “Na palôh ta ei biezy he khâchâ a vao sala, Ei biepiepazy he zyh la, hroh mah y.

BIESOZY 4:4 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:144

Na bieraopazy cha chhâzaw ta a do ta, Ei hro thei nawpa ta, Novâhna na pie mah y.

HLAZY 119:168

Na pachunazy nata na bieraopazy zyh lymâ na ta, Ei hrozie zydua he na hmiakô liata â lâ khai.

BIESOZY 22:6

Hawtipa cha a sie nawpa lâpi pachu la, A pitloh tita chhao siesai aw vei.

BIESOZY 23:26

Ei sawchapawpa y, na palôh na pie la, Na mozy ta ei lâpizy moh mawh sy.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

BIESOZY 3:2

Hro pasina cha pie aw ta, Kô hluhpi cha pahrosapa ta, Thlalôhna a cha pie aw.

BIESOZY 7:2

Ei biepiepazy zyhpa ta hroh la, Ei pachuna cha na mosawpa hawhta a vao mah y.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 38:20

Zeremiah ta, “Cha hlâ aw veih ei. Na hnohta ei reipa Abeipa ao he nathlie mah y. Na châta pha aw ta, na hrona pahlôhpa a châ aw.

ZAWHÂNA 12:50

Ano biepiepa cha chhâzaw hrona a châ tahpa ei pahno. Chavâta bie ei reipa he, Paw ta eina chhopa lymâ hawhta a reihpa ei châ,” tah ta.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 6:6

Tanoh ta bie ei cha piepazy ei he, nama palôh liata y thlâh ha mawh sy.

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

RYUREITUHPAZY 13:12

Manôah ta, “Na biereipazy kha a vaw tlô tita, hawti hrozie awpa cha kheihta châ aw ta, khâpa rai ma a hria aw?” tah ta.