BIESOZY 4:26 - Mara Bible RV (BSI)

²⁶ Na phei tlyna lâpi paraih la, Na lâsie a patlâ lymâ aw.

BIESOZY 4:26 ပူးပေါင်းရင်းမြစ်များ

HLAZY 119:5

Na bieraopazy zyh awpa ta, Ei hroziezy a i sala ei tah kaw dia!

HLAZY 119:59

Ei hroziezy pachâ sualuah na ta, Na bieraopazy lâta ei pheizy chakâ na ta,

HLAZY 37:23

Chyhsa phapa phei chakâna cha Abeipa ta a chhi ta, A lâpi liata â ly kaw tyh.

HLAZY 40:2

Leidiana khaohtlô tawhta na thaoh ta, Chiatlao kiapa tawhta na thaopa ta, Ei pheizy lôpanô chô liata soh ta, Ei lâsie a pabohsa.

BIESOZY 15:21

Hruna cha sona a phahlapa châta â lyna châ ta, Chyhsa novâhpa deikua cha lâpi patlâpa liata a sie tyh.

BIESOZY 21:29

Chyhsa moleipa cha hmiakawh kawpa ta y ta, Chyhsa dopa deikua cha a lâpizy a phapa ta a pachâ tyh.

BIESOZY 23:19

Ei sawchapawpa y, nathliepa ta so la, Lâpi dopa liata na palôh soh mah y.

BIESOZY 4:25

Na mo ta hmia lâ moh lymâ sala, Na mo vo chhao â dypa ta hmia lâ sai lymâ mawh sy.

BIESOZY 5:21

Chyhsapa lâpizy cha Abeipa hmiakô liata y ta, A siena lâ maih Abeipa ta a moh tyh.

BIESOZY 5:6

Hrona lâpi kyh pachâ leipa ta, A lâthlôhzy pavia ta, Khataih lâ ma a sie tahpa pahno vei.

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

HÂKAI 1:5

Chavâta Pheisaihzy Abeipa ta hetana heta a tah: Nama lâpizy pakhâta ta moh teh u.

HÂKAI 1:7

“Pheisaihzy Abeipa ta hetana heta a tah: Nama lâpizy pakhâta ta moh teh u.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

HEBRAI 12:13

Pheisypa cha a ru a suhlie leipa ta, patlâhpa a châ thei nawpa ta, nama pheizy châta lâpi patlâpazy tao teh u.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.