BIESOZY 4:23 - Mara Bible RV (BSI)

²³ Na palôh pakhâta ta vaih mah y, Hrona tihnawh vaw puana châ tlôh ta.

BIESOZY 4:23 ပူးပေါင်းရင်းမြစ်များ

2 ABEIZY 10:31

Châhrasala Zehu cha Abeipa, Izarei Khazohpa ryhpa a pathipalôh tlokhuh ta zyh leipa ta, Izarei a pamoleisapa Zerôbaw moleinazy pathleih leipa ta.

BIESOZY 11:16

Ngiachhiena a hneipa chanô cha zachhihna hnei ta, Thachahra a hmâhpa chyhsazy ta hneirôna ama hnei.

BIESOZY 13:3

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

BIESOZY 16:17

Chyhsa dopa lâlai cha moleina chahrih ta, A lâpi a phapa ta a vaihpa cha a hrona a pabohsa.

BIESOZY 22:5

Palôh akopa lâpi liata ahlohzy nata khoheihzy y ta, A hro a vaihpa ta â hlasai aw ei.

BIESOZY 23:19

Ei sawchapawpa y, nathliepa ta so la, Lâpi dopa liata na palôh soh mah y.

BIESOZY 28:26

Ano palôh a ngâtuhpa cha ahrupa châ ta, So thai kawpa ta a ypa deikua cha pachhapa a châ aw.

BIESOZY 3:21

Ei sawchapawpa y, hezy he mopakhô leipa la, Sona patapa nata pahnona zy chhy lymâ mah y.

BIESOZY 4:7

Sona thabypa cha he he a châ: Sona cha tlua la, Khâpa zydua hlâta novâhna tlua chai mah y.

BIECHHOTUHPA 5:13

Hmo pha lei ngaitapa noh ry liata ei hmô: Chyhsa ta ano palôh pasa nawpa ta sôh nata thih a pachôpa hih.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

MATHAI 15:18

Châhrasala pakah tawhta a puapa cha, pathipalôh tawhta a kaw puapa a châpa vâta, cha tlai chata chyhsa a papuapalei tyh.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

MÂKA 14:38

Reipasaona liata namâ ngia lei nawpa ta a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

LUKA 6:45

Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.