BIESOZY 4:2 - Mara Bible RV (BSI)

² Pachuna phapa ei cha pie ei hih, Ei ryhpa bie a heihsai khuh vy.

BIESOZY 4:2 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 7:19

“Nama hmiakô liata ei sopa, ei bieraopazy nata ei biepiepazy a heihsaipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

ZAWBÂ 11:4

‘Ei biezyhpa a do ta, Na mohmô liata ei pathaih,’ tah chi ta.

ZAWBÂ 33:3

Ei biezy ta ei palôh a dozie palâsa ta, Ei hmaozy ta ama pahnopazy âdopa ta ama reih.

HLAZY 119:87

Alei tawhna heta na pahleipadia daihmâ ei ta, Châhrasala na pachuna biezy a heihsai beih va na.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

ZEREMIAH 35:8

Miah pathlatuhpa Rekhâ sawchapawpa Zônadâ ta eima hro chhôh zydua ta, keimo chhao, eima lapinôzy chhao, eima sawchapawzy nata eima sawchanôzy chhao, kresawhti doh lei awpa ta bie miah a piepa zydua eima zyh lymâ.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

1 TIMAWTHY 4:6

Chazy cha unawhzy na pahnosa khiahta cha, Krista Zisu chakaotuhpa phapa, ngiapâna bie nata biezyhpa phapa pachuna liata a laiseihpa na châ aw.

TITU 1:9

Awnanopa chhituhpa cha biezyhpa dopa a pachu thei awpa châ ta, biezyhpa dopa chakhiatuhpazy a padei thei nawpa ta, pachuna dopa â ipa ta a patu awpa a châ.