BIESOZY 4:18 - Mara Bible RV (BSI)

¹⁸ Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

BIESOZY 4:18 ပူးပေါင်းရင်းမြစ်များ

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

ZAWBÂ 11:17

Hrona cha nohchhô hlâta khaih via aw ta, Zohna chhao my hawh a châ aw.

ZAWBÂ 17:9

Mosiapa cha a lâpi khâchâ patu ta, Ku pathaihpa cha a thatlô rili tyh.

ZAWBÂ 23:10

Châhrasala lâpi ei chhihpa pahno ta, Eina pasia khai tawhta la ngôh hawhta ei vaw pua aw.

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

BIESOZY 13:9

Mosiapa khaihna cha khaih pha ta, Moleipa meiôh deikua cha pachhaipa a châ aw.

BIESOZY 15:24

Asopa châta cha hrona lâpi he â sâh lâta kiah lymâ ta, Chatanachata â hnai lâta Athihkhih lâpi a tleisai thei ha aw.

BIESOZY 2:20

Chavâta lâpi phapa a chhih la, Siana lâpi liata sie mah y.

BIESOZY 2:9

Chatanachata siana nata adona kyh liata na novâh aw ta, Akhongâhna nata lâpi phapa to kyh na no a vâh aw.

ISAI 26:7

Mosiapa lâpi cha a raih ta, Hy Khazoh Siapa, nâma tlai ta Mosiapa lâpi cha na patlâsa tyhpa a châ.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MATHAI 5:14

“Khizaw khaihpa nama châ. Tlâh laki liata khih a ypa cha nyu theipa châ vei.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.