BIESOZY 31:9 - Mara Bible RV (BSI)

⁹ Na pakah âpa ta siana ta ryureih la, Dyhchhiepa nata phahlapazy adona a duakhei mah y.

BIESOZY 31:9 ပူးပေါင်းရင်းမြစ်များ

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

ZAWBÂ 29:12

Bao awpa ta a awhpa dyhchhiepazy bao ei na ta, Baotuh hnei leipa harapazy ei deichhy tyhpa vâ ei ta.

HLAZY 82:3

Chiehleipa nata paw hnei leipazy a duakhei u la, Pasataopa nata dyhchhiepazy adona pabohsa muh vy.

BIESOZY 16:12

Beidyuchhai cha siana ta paduapa a châpa vâta, Hmo pha leipa taopa cha beizy châta pasichhihpa a châ.

BIESOZY 20:8

Ryureina beidyuchhai liata a tyuhpa abei cha, A mo ta hmo pha leipa zydua a pahrua tyh.

BIESOZY 29:7

Mosiapa cha dyhchhiepazy adona pahno ta, Moleipa deikua cha, Cha hawhpa pahnona kyh liata a novâh vei.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

RYHPACHANEINA 1:16

Cha daihti liata, nama ryureituhpazy hnohta biehneina pie na ta, ama hnohta, ‘Nama unawhzy likah biepeipazy nathlie u la, chyhsa nata a unawhpa likah liata â do ngaitapa ta ryureih u la, chyhsa nata a hnohta a ypa chihropa likah liata chhao â do ngaitapa ta ryureih muh vy.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

1 SAMUELA 19:4

Zawnathâ ta a paw Sawla hnohta Dâvi cha reithai ta, a hnohta, “Bei heta a chakaotuhpa Dâvi chô liata hmo moleipa tao cheita khah sy. Na chô liata moleina tao beih leipa ta, a hmotaopazy ta na châta phana tlao a vaw tlôkhei tyh hri hih.

1 SAMUELA 20:32

Zawna­thâ ta a paw Sawla cha a chhy ta, a hnohta, “Khazia ma Dâvi cha thie awpa a châ tly? Khâpa ma a tao haw?” tah ta.