BIESOZY 31:15 - Mara Bible RV (BSI)

¹⁵ Azo ta thyu ta, A chhôhkha nie awpa patohpatia ta, A chakaotuhpa laihsazy chhao ama nie awpa tovyuhzy a pie tyh ei.

BIESOZY 31:15 ပူးပေါင်းရင်းမြစ်များ

2 THÂTIHZYRONA 36:15

Abeipa, ama pathlatuhpazy Khazohpa ta, ano phopi nata a pahrâna su tha a pasapa vâta, a chalihsai leipa ta, âmo lâta lyuhchâpazy khâ tuah ta.

BIESOZY 20:13

Amôpa tlaichhai khah y, Na dyhchhie pathlei aw na; Na mo padeih la, Niedo hluhpi na hnei aw.

BIESOZY 31:16

Lyu hnei thei nawpa ta saduthliepa ta chalei ta, A hriapasana ta a hmôpa sôh hmâpa ta kre sadô a tao.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

MATHAI 24:25

Nathlie teh u, ei cha chho chhielie ei hih.

MÂKA 1:35

Mydi kari khih a pavâ hlâta thyu ta, su dâhthlohpa lâ sie ta, cha liata thlahchhâ ta.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

RAWMA 12:11

Phahnai angiahna kyh liata daopathla leipa u la, palôh thathyu ngaitapa ta Abeipa chakao muh vy.

ZAWSUA 3:1

Zawsua cha mydi kari ta thyu ta, Izarei saw zydua chhaota Siti tawhta Zawdâh lâ a pasie ei ta. Chavah ama chaka hlâta cha liata a rie ei ta.