BIESOZY 31:10 - Mara Bible RV (BSI)

¹⁰ Lapinô phapa ahy ma a hmô thei aw? Lapinô phapa cha lôsôhpazy hlâta a sôh via syulyu.

BIESOZY 31:10 ပူးပေါင်းရင်းမြစ်များ

ZAWBÂ 28:18

Lei râhpa lôsôh nata lôsôh pasohpa zy cha rei pâpa y leipa ta, Sona mâ cha taiku lôsôhpa mâ hlâta a ru via.

BIESOZY 12:4

Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

BIESOZY 14:1

Chanô sopa cha a o sa ta, Chanô hrupa deikua cha ano ku tlai ta a o a parao.

BIESOZY 18:22

Lapinô a hmôpa cha hmo phapa a hmôpa châ ta, Abeipa khokheina a totuhpa a châ.

BIESOZY 19:14

O nata sôh zy cha pawzy tawhta ryuto châ ta, Lapinô sopa deikua cha Abeipa tawhta a châ.

BIESOZY 20:15

Ngôh y ta lôsôhpazy chhao a hluh kaw, Châhrasala novâhna hmaozy he lôsôhpa sôhpazy cha ama châ.

BIESOZY 3:15

Sona cha lôsôhpa hlâta sôh via ta, Na kho kawpa hmo kheihawhpa nata hmah Pakhopâ thei rimâ awpa châ vei.

BIESOZY 31:11

A vahpa palôh ta ano cha ngâ ta, Athôhna hmô leipa ta y aw vei.

BIESOZY 8:11

Sona cha lôsôhpazy hlâta pha via ta, Na tlaichhai kawpa khâpa nata hmah Pakhopâ theipa châ vei.

BIECHHOTUHPA 7:28

Cha cha ei hro ta khâ a tluapa, châhrasala ei hmô thei leipa a châ. Chapaw sâh kha hry liata pakha hmô na ta, chanôzy hry tawhta deikua, pakha hmah hmô va na.

RUTHI 3:11

Chavâta ei saw­chanô y, chi khah y, na reipa zydua cha na châta ei tao aw, eima khih chyhsa zydua ta chanô sia ngaitapa na châzie ama pahno khai.

1 SAMUELA 25:3

Cha chyhsa moh cha Nâbâ châ ta, a lapinô moh cha Abikai a châ. Ano cha chanô so ngaitapa nata hmipha ngaitapa châ ta, a vahpa deikua cha nôchhiepa nata chyhsa moleipa a châ. Nâbâ he Kâlebâ pathla a châ.