BIESOZY 30:5 - Mara Bible RV (BSI)

⁵ Khazohpa bie zydua â do tahpa pasiapa châ ha ta, Ano cha a chhaituhpazy châta vyhphao a châ.

BIESOZY 30:5 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

2 SAMUELA 22:31

“He Khazohpa lâpi cha phapaki ta, Abeipa bie cha â dozie pasia hapa châ ta, Ano a chhaituhpa zydua châta vyhphao a châ.

HLAZY 119:140

Na bietai cha a phapa ta pasia hapa châ ta, Châ chakaotuhpa heta a pasô ngaita.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

HLAZY 144:2

Ano cha ei châta ngâchhihpa nata ei thokhy châ ta, Ei diahsua nata nâ pachhatuhpa a châ; Ei vyhphao nata ei chhaina châ ta, Phopizy ei ry liata panawhtuhpa a châ.

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 18:30

He Khazohpa lâpi cha phapaki ta, Abeipa bie cha â dozie pasia hapa châ ta, Ano cha a chhaituhpa zydua châta vyhphao a châ.

HLAZY 18:31

Abeipa dei leipa ta ahy ma Khazohpa a y? Eima Khazohpa dei leipa ta ahy ma lôpanô a y?

HLAZY 19:8

Abeipa pachuna cha a do ta, Palôh a palysa; Abeipa biepiepa cha khaih ta, Mo a pavâsa.

HLAZY 3:3

Châhrasala Hy Abeipa, Nâ cha ei vyhphao châ chi ta, Ei rônahna nata ei luh nâ chalotuhpa na châ.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

HLAZY 91:2

Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh.

BIESOZY 2:7

Chyhsa dopa châta sona patapa pachôpa ta, Ngâchhihpa ta a ypazy châta ano cha vyhphao a châ.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

RAWMA 7:12

Chavâta ryhpa cha pathaih ta, biepiepa chhao pathaih ta, sia ta, a pha.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.