BIESOZY 30:4 - Mara Bible RV (BSI)

⁴ Avâ lâ kiah ta a zâ chô heihpa cha ahy ma a châ tly? A ku ta thlih a chahupa cha ahy ma a châ tly? A poh ta ti a chatypa cha ahy ma a châ tly? Khizaw kaokih zydua a paduapa cha ahy ma a châ tly? A moh ahy ma a châ tly? A sawchapawpa moh ahy ma a châ tly? Na pahno mah tâh!

BIESOZY 30:4 ပူးပေါင်းရင်းမြစ်များ

ÂTHAONA 32:29

Zakaw ta, “Ngiachhiepa ta na moh na chho teh,” tah ta. Ano ta, “Khazia ei moh eina hiahri chi?” tah ta. Cha liata byhnâ awpa ta.

ZAWBÂ 11:7

“Khazohpa bienyupazy na pahno thei ma? Atotaotheipa chhâna na hmô thei ma?

ZAWBÂ 11:8

Avâ hlâta a sâh via ta, Nâ khâpa ma na tao thei? Athihkhih hlâta a thu via ta, Nâ khâpa ma na pahno?

ZAWBÂ 26:8

A meihdo chhapazy liata tizy chaty ta, Châhrasala â hrina ta meihdo cha papyu vei.

HLAZY 135:7

Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 24:2

Alei he tilaipizy chô liata bô ta, Chavahzy chô liata a padua.

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

PUASAINA 15:10

Na hu ta thlih vaw pathlisa chi ta, Tilaipi ta âmo cha vao ta, Kylô hawhta tilihpi liata amâ ngua haw.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

ISAI 45:18

Abeipa cha avâzy a paysatuhpa châ ta, Ano deita cha Khazohpa a châ. Alei he yzie hneipa ta taopa ta pa-i ta, Aruapa ta paysa leipa ta, Pahrâ nawpa ta a padua. Cha Abeipa chata hetana heta a tah: “Kei he Abeipa châ na ta, Abeipa hropa y veih ei.

ISAI 53:8

Tlybaipa nata thailei pachâsapa ta a chhi ei ta, Châhrasala ano chhâ liata chyhsazy ta pachâ hlei veih ei. Ahrohpazy râh tawhta chhawh pathlahpa châ ta, Ei phopi paraona vâta hriepa a châ.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

RAWMA 10:6

Ngiapâna vâta siana deikua ta cha, “Na palôh ta, ‘Vârâh tawhta Krista a zâ chhi awpa ta, ahy ma vârâh lâ a kiah aw?

RYHPACHANEINA 28:58

“Abeipa nama Khazohpa moh rônahpa nata chichhihpa nama chi thei nawpa ta, he châbu liata â rohpa ryhpa bie zydua he zyh leipa ta nama tao vei khiahta cha,

RYHPACHANEINA 30:12

‘A biepiepa cha thei sih la, eima zyh thei nawpa ta, ahy vârâh lâ kiah aw ta, miah a kaw lapa aw?’ tah awpa ta, biepiepa cha vârâh liata a ypa châ vei.

BIEPHUAH 19:12

A mokhaohzy cha meipaleih lyu ta, a luh liata lakho hluhpi a kho ta, moh ropa, ano dei leipa ta ahy hmah ama pahno leipa a hnei.

RYUREITUHPAZY 13:18

Abeipa vâlyuhchâpa ta a hnohta, “Hmo noâhchhihpa hmô ha chi ta, khazia ei mo eina hiahri chi?” tah ta.