BIESOZY 30:14 - Mara Bible RV (BSI)

¹⁴ Zaozi hâh a hneipazy y ei ta, Chaizôh naoh a hneipazy chhao ama y; Alei tawhta dyhchhiepazy palâ khai ei ta, Chyhsazy hry tawhta phahlapazy ama palâ tyh.

BIESOZY 30:14 ပူးပေါင်းရင်းမြစ်များ

ZAWBÂ 29:17

Sialeipa naohzy thlie na ta, A sataipa cha a hâh tawhta ei chhu tyh.

ZAWBÂ 41:14

Ahy ma a hmia ochhizy a pahy thei aw? A hâhzy chichhih ngaitapa châ tlôh ta.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 124:6

Sa taipa hawhta tai awpa ta, Ama hâhzy lâta miah a hlâ leipa, Abeipa cha reithaipa ta y mawh sy!

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

HLAZY 3:7

Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

HLAZY 57:5

Hy Khazohpa, avâzy chô lâta cheihchalopa ta y la, Na rônahna ta leilô zydua bie mawh sy!

HLAZY 58:6

Hy Khazohpa, ama pakah liata hâhzy thlie la, Hy Abeipa, chakeibarôhneipa lochopa naohzy thlie pachhô mah y.

BIESOZY 12:18

Zaozi chhôpa hawhta pasapa ta bie a reihpa y ei ta, Asopa paleih deikua cha tlâhna a châ tyh.

BIESOZY 22:16

Ano hneirôna papôh nawpa ta dyhchhiepa tlybai ta, Hneirôhpa hnohta sôh nah thih a piepa cha, Dyhchhiena ta a tlô thlu aw.

BIESOZY 28:3

Dyhchhiepa ta dyhchhie hropa a tlybai pachhuah heihpa cha, Vâsua ta nie awpa rai pahlôh leipa ta, Chichei a phy pathlah khai hapa hawhta a châ.

BIESOZY 30:15

Chava ta sawchanô pano hnei ta, Ama moh cha, “Na pie teh” nata “Na pie teh” a châ. A lôhrâ a tlô beih leipa hmo mia thôh y ta, “Â daih” a tah beih leipa hmo mia palih a y.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

AMÔSÂ 2:7

Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

HABAKU 3:14

Nâ chadaipai awpa ta khisô hawhta a vypa a pasaiphazy, Rietheipazy arulâta palâpa amâ lyna a châpazy cha, Ano châtaizy tlai ta ama luhzy na ka pahlie haw.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

BIEPHUAH 9:8

Ama sâ cha chanô sâ lyu ta, ama hâhzy cha chakeibarôhneipa hâh a lyu.