BIESOZY 3:9 - Mara Bible RV (BSI)

⁹ Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

BIESOZY 3:9 ပူးပေါင်းရင်းမြစ်များ

ÂTHAONA 28:22

he alô, lôbô ta ei bôpa he Khazohpa o a châ aw. Chatanachata nâ ta eina piepa chi zydua tawhta su hrawh su kha â kipa ta ei cha pie lymâ aw,” tahpa ta bie a taih ta.

2 THÂTIHZYRONA 31:10

Zadô pathla, theihthai beipa Azariah ta a chhy ta, “Zawpizy ta thyunazy Abeipa o lâ ama vaw chei tua noh tawhta nie awpa hnei lymâ pi ta, ativy kawpa ta y pi ta, laibâhpa chhao a hluhpi a y. Abeipa ta a phopi byhnâ pie ta, chavâta nie laibâhpa hluhpi eima hnei,” tah ta.

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

HLAZY 144:13

Eima sawvâzy cha, Kôvei chi to ta bie ei sala, Eima mietakuzy chhao, Lyuzy liata thysâh hluhpi pataw mawh ei sy.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

PUASAINA 34:26

Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. Mietaw sa cha a panô sâhpiti ta na chho awpa châ vei,” tah ta.

BIESOZY 11:25

Chyhsa riaphapa cha a dyh pha aw ta, Ti a baotuhpa cha anosasyh â baopa a châ.

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

ISAI 43:23

Raopa hlânazy châta, Mietakuzy na vaw cheipa leipa chi ta; Atheihna hlâpa ta, Na palyupalih hra va chi. Hmohlâpazy hneibeiseihpa ta, Na phao cha pahri beih leipa na ta; Ropahâhpa hnabeiseihpa ta, Na rie cha pathei beih hra va na.

THEIHTHAINA 19:25

A kô pangawhna kô ta a theilâpazy nama nie thei aw. Chatanachata theilâpa kôzy cha nama châta a pathei hluh via lymâ aw. Kei he Abeipa nama Khazohpa ei châ.

MALUHREINA 15:20

Viahchhâ nama nyh tua chaipa tawhta tlâ kha panano aw ei chi ta, chaluahpa hlâna ta nama hlâ aw. Sawhri liatapa chaluahpa hlâna ta nama hlâ tyhpa hawhta nama hlâ aw.

MATHAI 25:17

Cha hawhna hra chata talent miano a vaotuhpa chhao, talent miano papôhsa ta.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.