BIESOZY 3:3 - Mara Bible RV (BSI)

³ Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

BIESOZY 3:3 ပူးပေါင်းရင်းမြစ်များ

2 SAMUELA 15:20

Zâhnia tliata liata vaw tlô chi ta, tanoh he eima hnohta chakhâ kiah ta, chhutla chô awpa ta ei cha tao aw ma? Vaw pua taraw na ta, khataih lâ ma ei sie aw tahpa chhao pahno va na hih? Kua ha mah y. Na unawhzy chhao na hnohta a chhi ha mah y. Ngiachhiena nata ngâchhihna na hnohta y mawh sy,” tah ta.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

BIESOZY 1:9

Na luh châta pawpi pachhih a ngia ngaitapa châ ei ta, Na rao châta pachhihzy ama châ.

BIESOZY 14:22

Hmo pha leipa tao a chhuahpazy cha viavi tyh ei ta, Hmo pha tao a chhuahpazy deikua cha kyhpachâna nata biehmeiseihpa ama hlao tyh.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 20:28

Kyhpachâna nata biehmeiseihpa ta abei cha hrôbieh ta, Ngâchhihna ta a beidyuchhai cha pabohsapa a châ.

BIESOZY 6:21

Na palôh liata khâ châh sala, Na rao liata khâ a ao mah y.

BIESOZY 7:3

Na kuparozy liata a ky la, Na palôh lôphiapa liata roh mah y.

ZEREMIAH 17:1

“Zudâh moleina cha thua châsôh ta ropa châ ta, lônah hmao pazaopa hmâpa ta, ama pathipalôh lôphiapa nata ama maisâh kizy liata khiepa a châ.

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

MALAKHAI 2:6

“Ryhpa dopa a pakah liata y ta, Biedoleipa a hmao liata y vei. Thlalôhna nata adona ta na sielâh tyh ta, Chyhsa hluhpi moleina tawhta a pakuasa ei.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

RYHPACHANEINA 6:8

Ngiana châta nama ku liata chahry aw ei chi ta, khiriena ta nama mo nata mo likawh liata nama rie aw.

HEBRAI 10:16

“Cha nohzy hnôhlâ ta, Ama hnohta biehrai ei tao awpa cha, He he a châ, Abeipa ta a tah: Ama palôh liata ei ryhpa biezy soh aw na ta, Ama pachâna liata ei roh hra aw,” a tah khai tawhta,