BIESOZY 3:24 - Mara Bible RV (BSI)

²⁴ Nâ zia tita chi leipa aw chi ta, A zia aw chi ta, mokuh pahâh kawpa ta nâ mô aw.

BIESOZY 3:24 ပူးပေါင်းရင်းမြစ်များ

2 THÂTIHZYRONA 20:30

Zehôsaphâ cha Khazohpa ta a chheipâh râh zydua tawhta apahâna a piepa vâta, a khinarâh cha sidiapa ta y ta.

ZAWBÂ 11:19

A zia awh chi ta, Ahy hmahta cha pachisa leipa aw ei ta, Chyhsa hluhpi ta na khokheina ama tlua aw.

HLAZY 112:8

A palôh a i ta, Pahniena ta a khakhaipazy a moh hlâlei cha, A thlazoh aw vei.

HLAZY 127:2

Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei.

HLAZY 3:5

Abeipa ta ei hrona a pabohsapa vâta, A ziapa ta a mô na ta, Ei kaw hra heih tyh.

HLAZY 3:6

Chyhsa sâh hluhpi ta na dôh hra ei sala, Chi aw va na.

HLAZY 4:8

Thlalôhpa ta a zia aw na ta, Ei mô aw; Hy Abeipa, nâ deita he Abohpa ta nâ paysatuhpa cha na châ.

HLAZY 91:5

Zâ chichhihna chi leipa aw chi ta, Nohchhô ta châtai a zawpa chi aw va chi.

BIESOZY 1:33

Ei bie a nathlietuhpa deikua cha â bohpa ta y aw ta, Chhiena chi leipa aw ta, Chhôhmohpa ta a y aw.”

BIESOZY 19:23

Abeipa china cha hrona tlôkhei ta, A hneipa maih palôh pahâ kawpa ta a pahâ ei ta, Chhiena ta âmo cha tly aw vei.

BIESOZY 6:22

Na sie nota cha chhihthapa ta, Nâ zia tita cha vaih aw ei ta, Na thyu tita bie ama châ chho aw.

BIECHHOTUHPA 5:12

Raihriatuhpa cha a nie hluh tlyma, a nie chyh tlyma, a mokuh pahâh kaw ta; hneirôhpa deikua cha, rih biena taihta a niepa chhao ta a mô thei vei.

ISAI 54:14

Siana ta paduapa châ aw chi ta, Tlybaina tawhta lâhlapi ta na y bâ awpa vâta, Chi khao aw va chi; Chichhihpa tawhta lâhlapi ta y aw chi ta, Châ hnia khao aw vei.

ZEREMIAH 31:26

Cha nona chata a vaw hra na ta, mohmia pasaih na ta, ei mokuh pahâh ngaitapa ta ei môpa vaw châ ta.

EZEKIA 34:15

Keima tlai ta ei mietakuzy cha pasa aw na ta, ei pabyusa aw ei, Abeipa Zehôvâh ta a tah.

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

THEIHTHAINA 26:6

Râh cha thlalôhpa ta paysa aw na ta, a zia aw ei chi ta, ahy hmahta cha pachisa aw veih ei. Sahrâhpazy râh tawhta to khai aw na ta, zaozi ta nama râh chahryh aw vei.

HMOTAOPAZY 12:6

Herawda ta a papua chy ta, cha zâ liana tlai chata, Pity cha pheisaih pano likawh ta, bâlia miano pakypa ta a mô ta. Vaituhpazy cha ochhi thaby liata ypa ta, patâhna o cha vaih ei ta.