BIESOZY 29:5 - Mara Bible RV (BSI)

⁵ A vaih a reithai pakheipa cha, A phei sao â parai khâhpa a châ.

BIESOZY 29:5 ပူးပေါင်းရင်းမြစ်များ

ZAWBÂ 17:5

Ama hmohneipa a hnei thei nawpa ta a viasazy a leihtuhpa cha, A sawzy ama mo a chao aw.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 36:2

A paraona hmôpa châ leipa aw ta, Chavâta chyhsa ta nâ hao bao aw veih ei tahpa ta, Anosasyh ta â dôvei.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

BIESOZY 1:17

Pavaw mohmô ta sao paraipa cha, Hraoleipa ta paraipa a châ.

BIESOZY 20:19

Hohiahpa ta a khiekhâpa ta bieparu papua tyh ta, Chavâta pakah kawhpa chyhsa cha a pakyh khah y.

BIESOZY 26:28

Paleih haihthaipa cha a pasasapazy a hao ta, Papyupahlyna pakheipa pakah chhao paraona rai a hria tyh.

BIESOZY 28:23

A paleih ta a reithai pakheipa hlâta cha, Chyhsa a chhoreituhpa ta hnôhlâ ta khokheina a hlao via aw.

BIESOZY 7:21

A reikah thaina ta satliapa cha pahnie ta, A reih pahniana ta a sydie haw.

BIESOZY 7:5

Sona ta chanô sihryhpa tawhta cha vaih aw ta, Apheinô reikah pahniapa tawhta a cha vaih aw.

CHAPHÔHTUNA 1:13

“Chô lâ tawhta mei za tuah ta, Ei rupa chhôh liata a pangiasa haw; Ei phei châta sao parai ta, Eina pakuasa haw; Noh y ta ziahzirohpa ta na paysa ta, Panaopa ta eina paysa haw.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 SAMUELA 18:23

Cha biezy cha Sawla chakaotuhpazy ta Dâvi nah theina liata reih ei ta. Dâvi ta, “Abei piahpa châpa he hmo chynawhpa hawhta a pachâpa dua nama lyu thlâh haw? Keima hawhpa dyhchhiepa nata mohnao chhihpa chyhsa châta cha, hmo naopa naikawh ma châ vâ,” tah ta.