BIESOZY 29:26 - Mara Bible RV (BSI)

²⁶ Chyhsa hluhpi ta ryureituhpa khokheina tlua ei ta, Châhrasala Abeipa tawh deita ta chyhsa ta adona a hmô tyh.

BIESOZY 29:26 ပူးပေါင်းရင်းမြစ်များ

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

2 SAMUELA 14:1

Zeru sawchapawpa Zôabâ ta abei palôh cha Absalaw chô liata a y tahpa pahno ta.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

HLAZY 20:9

Hy Abeipa, abei he pachha la, Eima cha aw tita miah a chhy mah y.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

BIESOZY 16:14

Abei pathiiana cha thina lyuhchâpa châ ta, Châhrasala chyhsa sopa ta cha a padia thei aw.

BIESOZY 16:15

Abei hmia khaihpa liata hrona y ta, A khokheina cha châhvâ vâsua meihdo hawhta a châ.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 19:6

Chyhsa hluhpi ta riaphapa khokheina tlua ei ta, Hmosaipa a pietuhpa cha chyhsa to viasa a châ.

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.

ISAI 49:4

Châhrasala kei ta hetana heta ei chhy: “Hraoleipa ta hriapasapa ta, Khâpa hmah a châ leipa liata ei tha pahryuh na ta, Aruapa liata ei tha ei pahryuh; Chatahrasala ei dona cha Abeipa liata y ta, Ei lymâ chhao ei Khazohpa liata a y.”

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.