BIESOZY 29:25 - Mara Bible RV (BSI)

²⁵ Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

BIESOZY 29:25 ပူးပေါင်းရင်းမြစ်များ

ÂTHAONA 20:11

Abarahâ ta, “‘He su liata Khazohpa china rai y leipa ta, ei lapinô vâta eina thie aw ei’ tahpa ei pachâpa vâta a châ.

ÂTHAONA 20:2

Abarahâ ta a lapinô Sârâ cha, “Ei sietanô na a châ,” tah ta. Chavâta Kerâ bei Abimele ta chyhsa tuah ta, Sârâ cha lapinô ta hnei ta.

ÂTHAONA 26:7

Cha khih chyhsazy ta a lapinô thâtih hiahri ei ta, “Ei sietanô na a châ” tah ta. A chhithai kawpa vâta, “A khih chyhsazy ta Rebekâ vâta eina thie pathlei aw ei na,” tah ta, “Ei lapinô na a châ,” a tah ngâh leipa a châ.

1 ABEIZY 19:3

Elaizâh cha chi kaw ta, thyu ta, a hrona pabohsa awpa ta a râ ta. Zudâh râh Besebâ khih kei tlô ta, cha liata a chakaotuhpa cha siesai ta.

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

HLAZY 118:8

Chyhsapa ngâpa hlâta, Abeipa a chhaipa a pha via.

HLAZY 119:117

Na cha-ao mah y; Chatanachata a boh aw na ta, Na bieraopazy cha ei pachâ lymâ aw.

HLAZY 125:1

Abeipa a ngâtuhpazy cha Zaio Tlâh pasie thei rimâ leipa, Chhâzaw ta a y thlâh hapa hawhta ama châ.

HLAZY 69:29

Kei deikua cha pasataopa nata pachârôhpa ta y na ta, Hy Khazohpa, na pachhana ta chô lâ na soh mawh sy.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

HLAZY 91:14

Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

BIESOZY 16:20

Bie pakhâta ta a pachâpa cha hmo phapa hmôpapua aw ta, Abeipa a ngâpa cha byhnâ a to aw.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

BIESOZY 28:25

Karâypa chyhsa cha ahryuna pathyu ta, Abeipa a ngâtuhpa deikua cha pathawhsapa a châ aw.

BIESOZY 30:5

Khazohpa bie zydua â do tahpa pasiapa châ ha ta, Ano cha a chhaituhpazy châta vyhphao a châ.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 15:12

Cha khai tawhta a pachupazy a vy ei ta, a hnohta, “Cha bie cha Phârisaihzy ta thei ei ta, ama palôh a tlâh lei kaw tahpa na pahno ma?” tah ei ta.

LUKA 12:4

“Ei viasa saih u, ei cha chho ei, pôhpa thie ta, cha hnôhlâ ta khâpa hmah a tao thei khao leipazy chi khuh vy.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

RYUREITUHPAZY 16:11

Sâsawna ta a hnohta, “Chaori thiehpa, hmâ mâh leipa ta eina chahry khiah ei ta cha, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

1 SAMUELA 15:24

Sawla ta Samuela hnohta, “Ei vaw molei haw. Zawpi chi na ta, ama ao ei nathliepa vâta, Abeipa biepiepa nata nâma biezy ei vaw parao haw.

1 SAMUELA 21:13

Ama hmiakô liata a yzie panano ta, ama ku liata a pahrusa ta, thokhy chhikaozy chaphy ta, a kâhhmi liata a pachih pathlaoh ta.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.

1 SAMUELA 27:11

“Eima thâtih reipa ta, ‘Cha hawh, kha hawhta Dâvi ta a tao’ tahpa ta, Kâthâ lâ thâtih ama tlôkhei pathlei aw,” tahpa a chipa vâta, Dâvi ta chanô tlyma, chapaw tlyma, pakha hmah pahlôh leipa ta a thie khai ha tyhpa ei a châ.