BIESOZY 29:2 - Mara Bible RV (BSI)

² Mosiapazy ta ryu ama rei nahta, Zawpi a ly ei ta; Moleipazy ta ryu ama rei nahta, Zawpi amâ hrô tyh.

BIESOZY 29:2 ပူးပေါင်းရင်းမြစ်များ

ESTHERI 3:15

Biepiepa cha thokhy khihpi Susâ liata papuapa châ ta, bei biepiepa hawhta châraituhpazy ta a chatliepa ta sie ei ta. Abei nata Hâmâ cha sahma do awpa ta a tyuh ei ta. Cha nota Susâ khihpi deikua cha thata â tymâ.

ESTHERI 8:15

Môdekai cha abei poh nohsaihpa nata diehpa a bupa ta, ngôh beilakho rônahpa nata poh rih dipa viahkao pasipa saihdôhpa a kypa ta, abei o tawhta pua ta. Susâ khihpi cha thata awh ei ta, a ly ngaita ei ta.

ZAWBÂ 34:30

Khazohpa a pahno leipa chyhsa cha ryu a rei awpa châ vei, Chataleipatala khoheih liata phopi â ao pathlei aw.

BIESOZY 11:10

Mosiapa chô liata hmo pha a tlôh nahta, Khihpi a ly ta; Moleipa a leidia nahta, Thaphapa ta ama rahao tyh.

BIESOZY 28:12

Mosiapazy ta pahniena ama to nahta, Palyupalihna rônahpa y ta; Moleipazy ama thyu nahta deikua cha, Chyhsazy amâ nyu tyh.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

BIESOZY 28:28

Moleipazy ama thyu nahta, Chyhsazy a nyu ei ta; Moleipazy ama leidia nahta, Mosiapazy ama pôh tyh.

BIECHHOTUHPA 10:5

Noh ry liata hmo chhiepa miakha hmô na ta, ryureituhpa tao chheipa lai ngaitapa a châ:

BIECHHOTUHPA 10:6

Ahrupazy cha su sâhpazy liata sopa châ ei ta, hneirôhpazy su nawhpa liata amâ tyupa ei hmô.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 2:3

Cha bie cha Bei Herawda ta a thei nahta, ano nata Zerusale liata chyhsa zydua cha ama nôpo kaw ta.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.