BIESOZY 28:27 - Mara Bible RV (BSI)

²⁷ Dyhchhiepa a pietuhpa cha a phahla leipa aw ta, A mo a pasopa deikua cha chhiesana thata â tyh aw.

BIESOZY 28:27 ပူးပေါင်းရင်းမြစ်များ

BIESOZY 11:24

A saipa ta hiepatlapa cha pôh rilina châ ta, Byuhpa hleikhô ta riakhiehpa deikua cha phahlana a châ.

BIESOZY 11:25

Chyhsa riaphapa cha a dyh pha aw ta, Ti a baotuhpa cha anosasyh â baopa a châ.

BIESOZY 11:26

A sâh a pasaih leipa cha chyhsa ta chhiesapa aw ei ta, A zuahtuhpa luh chô liata deikua cha byhnâ a y aw.

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

BIESOZY 22:9

Chyhsa riaphapa cha sipasapazy niedo â chhaih tyhpa vâ ei ta, Vânoh a to aw.

BIESOZY 24:24

Moleipa hnohta, “Nâ do na,” a tahpa cha, Phopizy ta chhiesapa aw ei ta, Râhzy ta chyhuh ama sapa aw.

BIESOZY 28:28

Moleipazy ama thyu nahta, Chyhsazy a nyu ei ta; Moleipazy ama leidia nahta, Mosiapazy ama pôh tyh.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

RYHPACHANEINA 15:10

Riapha kawpa ta nama pie awpa châ ta, nama pie tita a ngiapachhina palôh nama hnei awpa châ vei. Cha hawhta nama tao khiahta cha, Abeipa nama Khazohpa ta nama hmotaopa zydua nata nama raihria zydua liata byhnâ a cha pie aw ei.

RYHPACHANEINA 15:7

“Abeipa nama Khazohpa ta râh a cha piepa ei khih miakha liata nama unawhzy hry liata dyhchhiepa ama y khiahta cha, nama unawh dyhchhiepazy chô liata lôhkhô namâ hli awpa châ leipa ta, nama ku nama pako awpa châ vei.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.