BIESOZY 28:20 - Mara Bible RV (BSI)

²⁰ Chyhsa ngâchhihpa cha byhnâ hluhpi to aw ta, Hneirôh patoh a chhuahpa deikua cha hrie leipa ta pua aw vei.

BIESOZY 28:20 ပူးပေါင်းရင်းမြစ်များ

NEHEMIAH 7:2

ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

HLAZY 101:6

Râh chyhsa ngâchhihpazy Ei hnohta ama pahrâ thei nawpa ta, Âmo cha khokheipa ta moh aw ei na ta; Phapakipa chyhsa ta eina chakao aw.

BIESOZY 10:6

Mosiapa luh liata vânoh y ta, Moleipa pakah deikua cha nôchhiena ta a pahly.

BIESOZY 13:11

Dôveina ta sôh hmôpa cha pai aw ta, Hriapasana ta hmôpa deikua cha a pôh aw.

BIESOZY 17:5

Sipasapa a mohnaopa cha, Ano Taotuhpa palôh pasasa ta; Mohropa chhiena liata a lypa chhao, Hriena khôkhâh aw vei.

BIESOZY 19:2

Pahnona a phahlapa hro cha pha leipa ta, A phei a parapa chhao a sumiesumâ tyh.

BIESOZY 20:21

Âthaona liata tararuahna ta râh hneipa cha, Achhâna lâta byhnâ châ khao tyh vei.

BIESOZY 20:6

Mo hluhpi ta chyhsa phapa hawhta âmosasyh a reih ei ta, Chyhsa ngâchhihpa deikua ahy a hmô thei aw?

BIESOZY 23:4

Hneirôh awpa ta na rie a pathei tu leipa la, Â daihna rakha pahno awpa ta so thai kaw mah y.

BIESOZY 28:22

Chyhsa riakhiehpa cha hneirôh awpa ta a para ta, Leina ta a vaw tlô thlu aw tahpa pahno vei.

MATHAI 24:45

“Cha khiahta la chakaotuhpa ngâchhihpa nata sopa, a zibeipa ta a o liata hyutuhpa ta a raopa, ama nie awpa a daihtita liata a pie lymâ tyh awpa cha ahy ma a châ tly?

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

LUKA 16:1

Zisu ta a pachupazy hnohta, he bie chhao he reih ta, “Chyhsa hneirôhpa pakha ta sôh mohôhtuhpa hnei ta, cha chyhsa chata a sôh a pahryuh thlâhthlipa kyh chyhsazy ta ano lâ vaw leih ei ta.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 2:13

“‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.

1 SAMUELA 22:14

Ahimele ta abei cha a chhy ta, “Châ chakaotuhpa zydua hry liata, abei piahpa Dâvi hawhta ngâchhihpa chyhsa he ahy ma a y? Ano cha na pheisaih hyutuhpa châ ta, na o liata chyhsazy ta ama za ngaitapa châ vei ma?