BIESOZY 28:18 - Mara Bible RV (BSI)

¹⁸ Adona ta a hrohpa cha pachhapa châ aw ta, A hroziezy adoleipa deikua cha eikhapi ta a pao aw.

BIESOZY 28:18 ပူးပေါင်းရင်းမြစ်များ

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 26:11

Kei deikua cha, ei dona ta hroh aw na ta, Na chatlai la, na ngiachhie mah y.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

BIESOZY 10:25

Khisô vaw pathli ta, Moleipa y khao leipa ta, Mosiapa deikua cha chhâzaw lôbô a châ.

BIESOZY 10:27

Abeipa china cha hro pareihna châ ta, Moleipa kôzy deikua cha pachhohsapa a châ aw.

BIESOZY 10:9

 dopa ta a siepa cha â bohpa ta sie ta, A lâpi a pakosapa deikua cha â lâ thlyu tyh.

BIESOZY 28:10

Lâpi doleipa liata chyhsa dopa a pasiesatuhpa cha, Ano khaohtlô chaopa lia tlai ta tla aw ta; Chyhsa phapakipazy deikua cha, Ryu phapa ama to aw.

BIESOZY 28:6

Hrozie doleipa hneirôhpa hlâta cha, Â dona a hrokheipa dyhchhiepa a pha via.

MALUHREINA 22:21

Bâlâma cha mydi ta thyu ta, alâ ky padia ta, Môabâ beimachâzy hnohta sie ta.

MALUHREINA 22:32

Abeipa vâlyuhchâpa ta Bâlâma hnohta, “Khazia na alâ kha ei thôh dua na chhei? Pachâ teh, na siena chhâpa kha ei hmiakô liata raona a châpa vâta, cha pakhâ awpa ta ei vaw pua.

MALUHREINA 22:35

Abeipa vâlyuhchâpa ta Bâlâma hnohta, “Chyhsazy hnohta sie mah y. Anodeikua ei cha chhopa bie deita na reih awpa a châ,” tah ta. Chatanachata Bâlâma cha Bâlâka beimachâzy hnohta sie ta.

KALATIA 2:14

Châhrasala ama hro cha thâtihpha biehmeiseihpa nata â hmie leipa ei hmô nahta, ama zydua hmiakô liata Kephâ hnohta, “Nâ, Zu chyhsa ta, Zuzy hrozie hawhta hro leipa ta, Zenitai hrozie hawhta na hro thlâh ha khiahta cha, kheihtazieta Zenitaizy cha Zuzy hawhta paysa raruah nâ chhuah?” tahpa ta ei chho.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

BIEPHUAH 3:3

Na topa nata na theipazy kha a thei la, zyh la, ro teh. Nâ hra vei khiahta la, parutuhpa hawhta a vy aw na ta, khati dawh ta ma ei cha vaw pachhai aw tahpa pahno aw va chi.